"ქართული ოცნება - დემოკრატიული საქართველო" 2020 წლის არჩევნებისთვის პარტიის განახლებულ სიას სექტემბრის ბოლოს წარმოადგენს. როგორც "ექსპრესნიუსისთვის" გახდა ცნობილი, პარტია აპირებს, ახალ სიაში, საზოგადოებისთვის ცნობილი სახეები შეიყვანოს, მათ შორის ექსპერტები გია აბაშიძე,  ვლადიმერ ბოჟაძე და ლევან ნიკოლეიშვილი.

შესაძლოა, სიაში არ იყოს დღეს მოქმედი დეპუტატების დიდი რაოდენობა. 
"ექსპრესნიუსს" გია აბაშიძემ უთხრა, რომ "ქართული ოცნების" ლიდერებთან ამ საკითხზე საუბარი არ ქონია.
"ამ საკითხზე საუბარი არავისთან მქონია, არჩევნებთან დაკავშირებით ვარაუდები, სპეკულაციები მომავალ თვეებში ბევრზე და ბერგან იქნება" - აღნიშნა აბაშიძემ.

2020 წლის საპარლამენტო არჩევნები, უნდა ჩატარდეს პროპორციული სისტემით, ნულოვანი, საარჩევნო ბარიერის პირობებში. დღევანდელი კანონმდებლობით, 2020 წლის საპარლამენტო არჩევნები კი უნდა ჩატარებულიყო შერეული (პროპორციულ-მაჟორიტარული) სისტემით და პროპორციულ ნაწილში პარტიისთვის პარლამენტში ადგილის მოსაპოვებლად ამომრჩეველთა ხმების მინიმუმ 3% იქნებოდა საჭირო.

ბიძინა ივანიშვილის ინიციატივის მიხედვით, პარლამენტში ერთი მანდატის მოსაპოვებლად საჭირო იქნება არჩევნებზე მისული ამომრჩევლების ხმების 1/150 (დაახლოებით, 0, 67%). არჩევნები კი 2020 წლის ოქტომბერში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა