თბილისის 6 საბავშვო ბაგა-ბაღის აღსაზრდელები შემოდგომაზე განახლებულ, უსაფრთხო და კეთილმოწყობილ გარემოში დაბრუნდებიან. ამჟამად, დედაქალაქის 9 საბავშვო ბაღის ავარიულ შენობებს გამაგრება-რეკონსტრუქციის სამუშაოები უტარდება. მათგან შვიდი კაპიტალურ გამაგრებას ექვემდებარება, 2 შენობაში კი მხოლოდ ავარიული ფლიგელების რეაბილიტაცია მიმდინარეობს.

თბილისის N4, N170, N200, N100, N126, N150, N144, N55 და N2 საბავშვო ბაღების ავარიულობის შესახებ დასკვნა სამხარაულის ექსპერტიზის ბიურომ მოამზადა, რის შემდეგაც კრიტიკულ მდგომარეობაში არსებული შენობებიდან ბავშვები ახლომდებარე ბაღებში და ალტერნატიულ შენობებში გადანაწილდნენ.

შენობების გამაგრების პარალელურად, განახლდება საბავშვო ბაღების ეზოები - შეიცვლება გზის საფარი და მოეწყობა სათამაშო მოედნები.

მიმდინარე სამუშოები თბილისის საბავშვო ბაგა-ბაღების მართვის სააგენტოს ხელმძღვანელმა კახაბერ გვანცელაძემ დაათვალიერა. მისი განცხადებით, ორი შენობა კულტურული მემკვიდრეობის ძეგლია და მათი რეკონსტრუქცია შედარებით გრძელვადიანი იქნება.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი