აჭარაში ახალგაზრდობის რეგიონული ცენტრი ამოქმედდა. ამ პლატფორმის ერთ-ერთი ამოცანაა იყოს ნოვატორი პროგრამების შექმნასა და განხორციელებაში, ისე რომ პასუხობდეს ახალგაზრდების საჭიროებებსა და მოთხოვნებს.

ახალგაზრდობის რეგიონული ცენტრი აჭარის მთავრობის თავმჯდომარემ ოფიციალურად გახსნა და ამ პლატფორმის  შექმნის მიზნები და ამოცანები პრეზენტაციაზე შეკრებილ 400-მდე ახალგაზრდას გააცნო.

,,იცით, რომ ჩვენი პრიორიტეტი არის განათლება, ახალგაზრდობა. ჩვენი ქვეყნის განვითარება და  მომავალი, სწორედ, განათლებულ ახალგაზრდებზე გადის და ამ მიმართულებით ქვეყნის ბიუჯეტის 25% უნდა დაიხარჯოს.  ეს ნიშნავს, როგორც ინფრასტრუქტურის განვითარებას, ასევე კიდევ უფრო მეტ ხელშეწყობას ახალგაზრდული ინიციატივების მიმართ. ჩვენს რეგიონში გვაქვს ხელშესახები შედეგები.  ძალიან მალე 21 ახალგაზრდა ჩვენი რეგიონიდან გაემგზავრება ევროპის რამდენიმე ქვეყანაში. ისინი შეძლებენ გაიცნონ, როგორც თავიანთი თანატოლები, იმ სივრცეში, იმ არეალში, რომელზეც ჩვენ გვაქვს სწორება - ეს არის ევროკავშირის სრულფასოვანი წევრობა, რაც შეიძლება ახლო მომავალში. ამავდროულად, მათ ექნებათ საშუალება მიიღონ  უნარ-ჩვევები, რაც დაეხმარება ჩვენს რეგიონს, გავხდეთ კიდევ უფრო მეტად განვითარებულები და პროგრესულები" - აღნიშნა თორნიკე რიჟვაძემ.

ახალგაზრდული რეგიონული ცენტრი არის აჭარის განათლების, კულტურისა და სპორტის სამინისტროს დაქვემდებარებული უწყება. პროექტის პრეზენტაცია დამსწრეებს  აჭარის განათლების, კულტურის და სპორტის მინისტრის მოადგილე ალექსანდრე დავითაძემ  წარუდგინა. რეგიონული ცენტრი ახორციელებს 5 პროგრამას, 8  ქვეპროგრამას და  30-მდე ღონისძიებას. ცენტრის ბიუჯეტი - 1, 774 118  ლარია.

(NS)

ავტორი: ექსპრესნიუსი,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ