გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი კვლევის „სერტიფიცირებისა და ხარისხის ქართული სტანდარტები“  პრეზენტაციას დაესწრო.

კვლევის მიზანს  „გეოგაპის“ და „ქართული რძის“ (Georgian Dairy) სტანდარტის მაგალითზე სურსათისა და სოფლის მეურნეობის დარგში არსებული ქართული ხარისხის ნიშნების და სტანდარტების შესწავლა წარმოადგენდა.

„უმნიშვნელოვანესია აღნიშნული შეხვედრა საჯარო და კერძო სექტორის წარმომადგენლების მონაწილეობით. ვფიქრობ, სწორედ დისკუსიაა ის ფორმატი, სადაც, კომპეტენტური ადამიანების ჩართულობით,  საჭირო რეკომენდაციების შემუშავება ხდება. მოგეხსენებათ, სახელმწიფოს სოფლის მეურნეობის პროდუქტების წარმოების მიმართულებით ასოციაციების როლის გაძლიერების ხედვა გააჩნია. ჩვენ აქტიურად ვმუშაობთ სოფლისა და სოფლის მეურნეობის განვითარების ევროპის სამეზობლო პროგრამა (ENPARD IV) ფარგლებში აღნიშნული კომპონენტის გათვალისწინების უზრუნველსაყოფად. ჩვენი ხედვაა ასოციაციების განვითარების საფუძველზე, სურსათის უვნებლობის ხარისხი სრულად იყოს დაცული.  მნიშვნელოვანია, გვესმოდეს, რომ მოთხოვნების ზრდა საკუთარი წარმოების ხარისხის ზრდას ნიშნავს. მინდა ევროკავშირს მადლობა გადავუხადო მხარდაჭერისა და ფინანსური კონტრიბუციისთვის.  წინ საკმაოდ რთული და პასუხისმგებლობებით სავსე განვითარების გზა გვაქვს გასავლელი და ვფიქრობ, ეფექტიანი თანამშრომლობით სასურველ შედეგს მივაღწევთ“,- განაცხადა გიორგი ხანიშვილმა.

ღონისძიების მონაწილეებს მისასალმებელი სიტყვით პროგრამის ხელმძღვანელმა, საქართველოში  ევროკავშირის წარმომადგენელმა დომინიკ პაპენჰეიმ მიმართა.

როგორც პროგრამის ხელმძღვანელმა აღნიშნა, საქართველოს რეალური პოტენციალი გააჩნია ხარისხიანი პროდუქციის წარმოების თვალსაზრისით, შესაბამისად, მნიშვნელოვანია ხარისხის ნიშნების და სტანდარტების შემუშავება.

კვლევის დოკუმენტში ყურადღება სტანდარტების და ხარისხის ნიშნების შესახებ მომხმარებელთა ცნობიერების ამაღლების საჭიროებაზე გამახვილდა. გამოიკვეთა, რომ მომხმარებელთა უმეტესობისთვის მნიშვნელოვანია პროდუქტის ხარისხი.

ღონისძიება, ევროკავშირის  მიერ დაფინანსებული პროექტის „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა“ ფარგლებში გაიმართა, რომელსაც ეკონომიკის საერთაშორისო კვლევითი ინსტიტუტი, ექსპორტის განვითარების ასოციაცია, სამოქალაქო განვითარების სააგენტო და ასოციაცია „ათინათი“ საქართველოს ფერმერთა ასოციაციის ხელმძღვანელობით ახორციელებს.

(NS)

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა