სსიპ აჭარის ავტონომიური რესპუბლიკის საზოგადოებრივი ჯნდაცვის ცენტრმა C ჰეპატიტის მართვის პირველი ეტაპის ღონისძიებების უზრუნველყოფის თაობაზე, სახელმწიფო პროგრამის ბენეფიციართა თანაგადახდის უზრუნველყოფა დაიწყო.

„სოციალურად დაუცველი ოჯახების მონაცემთა ერთიან ბაზაში“ რეგისტრირებულ იმ პირებს, რომელთა სარეიტინგო ქულა არ აღემატება 70 000-ს, „C ჰეპატიტის მართვის პირველი ეტაპის ღონისძიებების უზრუნველყოფის თაობაზე სახელმწიფო პროგრამის” ფარგლებში დაუფინანსდებათ 70%-ი, ხოლო აჭარის საზოგადოებრივი ჯანდაცვის ცენტრის ,,დაავადებათა პრევენცია და პროფილაქტიკა” ქვეპროგრამის ფარგლებში – 30%-ით.

სხვა მოსარგებლეს „C ჰეპატიტის მართვის პირველი ეტაპის ღონისძიებების უზრუნველყოფის თაობაზე სახელმწიფო პროგრამის” ფარგლებში დიაგნოსტიკა დაუფინანსდებათ 30%-ით, აჭარის საზოგადოებრივი ჯანდაცვის ცენტრის ,,დაავადებათა პრევენცია და პროფილაქტიკა” ქვეპროგრამის ფარგლებში კი – 60%-ით. პაციენტთა მხრიდან თანაგადახდა შეადგენს მხოლოდ 10%-ს.

ღონისძიების – ,,C ჰეპატიტით დაავადებულ პირთა დიაგნოსტიკა“, მოსარგებლეებს წარმოადგენენ საქართველოს მოქალაქეები, რომლებიც რეგისტრირებული არიან აჭარის ავტონომიური რესპუბლიკის ტერიტორიაზე (ქობულეთის, ხელვაჩაურის, ქედის, შუახევისა და ხულოს მუნიციპალიტეტებში), გარდა ქალაქ ბათუმისა.

ღონისძიებით გათვალიწინებული მომსახურება ხორციელდება სამედიცინო ვაუჩერის საშუალებით, რომელსაც გასცემს სსიპ აჭარის ავტონომიური რესპუბლიკის საზოგადოებრივი ჯანდაცვის ცენტრი „C ჰეპატიტის მართვის პირველი ეტაპის ღონისძიებების უზრუნველყოფის თაობაზე სახელმწიფო პროგრამაში” ჩართულ სამედიცინო დაწესებულებებში წარსადგენად.

სამედიცინო ვაუჩერის ფორმას, გაცემისა და გამოყენების წესს განსაზღვრავს და ამტკიცებს სსიპ აჭარის ავტონომიური რესპუბლიკის საზოგადოებრივი ჯანდაცვის ცენტრი.

ღონისძიების – ,,C ჰეპატიტით დაავადებულ პირთა დიაგნოსტიკი“–ს ფარგლებში საზოგადოებრივი ჯანდაცვის ცენტრს უკვე მომართა 70–მა ბენეფიციარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა

WSJ: ილონ მასკმა უკრაინელი სამხედროებისთვის Starlink-ის შენელების ბრძანება გასცა

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა