„საერთაშორისო კვლევებისა და პროგნოზირების ცენტრი“-ს ვიცე-პრეზიდენტი ნიკა შენგელია ლარის გაუფასურების მიზეზად მთავრობისა და ეროვნული ბანკის არაკონსოლიდირებულ მუშაობას ასახელებს.

შენგელიას მოსაზრებით, ინფლაციის გათვლის  არასწორი  მეთოდოლოგიის გამო, რეალურად, ინფლაცია უფრო მაღალია, ვიდრე  სტატისტიკის დეპარტამენტის მონაცემებშია ასახული.

 „რომ ვთქვათ,  რომ  რამე საგარეო შოკებითაა გამოწვეული, ჩვენ ამას ვერ ვხედავთ, იმიტომ, რომ რეგიონალურ სამეზობლოში ყველა ვალუტა მყარდება. ეს არის მთავრობისა და ეროვნული ბანკის არაკონსოლიდირებული მუშაობის შედეგი. ის მონაცემები, რასაც ეროვნული ბანკი სტატისტიკის დეპარტამენტიდან ღებულობს, არ ასახავს რეალობას. 2011 წელს , მოგეხსენებათ შეიცვალა ინფლაციური გათვლის  მეთოდოლოგიაში წონები შეიცვალა, ანუ, სურსათი და სხვა პირველადი საჭიროების საქონელის  წონების წილი  ინფლაციის გათვლისას შემცირდა. ეს გადმოღებულია განვითარებული საბაზრო ეკონომიკის ქვეყნებიდან, მაშინ როდესაც საქართველო  ჯერ კიდევ განვითარებადია.  ფაქტობრივად, რეალური ინფლაცია იმაზე მეტია, ვიდრე ეს ფურცლებზე არსებობს. ეროვნული ბანკი  უყურებს იმ გრაფიკებს, რასაც იღებს სტატისტიკის დეპარტამენტიდან და შედეგები გვაქვს ისეთი არარეალური, როგორიც დღეს გვაქვს.  ყველამ კარგად ვიცით, რომ იმ 100 ლარით, რომელიც თუნდაც ერთი თვის წინ მოქალაქეს ედო ჯიბეში, დღეს ვერ ყიდულობ იმდენ პროდუქტს და მომსახურებას, ვიდრე 1 თვის უკან.

ეროვნული ბანკი აპელირებს იმაზე, რომ თითქოსდა ტურისტული ნაკადი შემცირდა, მაგრამ თუ ვნახავთ ისევ იმ სტატისტიკის მონაცემებს, ივნისის თვეში შემოსულია 420 ათასამდე ტურისტი, რომელიც შარშანდელ მონაცემებთან შედარებით, 18%-ით გაზრდილია. ასე რომ, ეს გადაბრალებები მთავრობისა და ეროვნული ბანკის მხრიდან  არ არის მართალი.

რაც ჩვენ ეროვნული ბანკისგან მოვისმინეთ არის ის, რომ არ აპირებს შეამციროს რეფინანსირების სესხები, არ აპირებს გაზარდოს საპროცენტო განაკვეთი, და მიჰყვება ისე , როგორც აქამდე მიყვებოდა, ხოლო ის ფაქტორები რის შემდეგ ჩაერევა ეროვნული ბანკი ინტერვენციების გზით დოლარის კურსში, ჯერჯერობით უცნობია“, - განაცხადა ნიკა შენგელიამ „TV პირველის“ ეთერში. 

ავტორი: ექსპრესნიუსი,

სოციალური ქსელები

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ

საქართველოში მენეჯერების პოზიციაზე ქალების ხელფასი საშუალოდ 2 713 ლარია, ხოლო კაცების — 4 312 ლარი

ელენე ხოშტარია: იკრძალება არა 5, არამედ 7 პარტია