2019-07-29 17:26:48, 1496 ნახვა
საზოგადოება
ბათუმში 3 წლის ბავშვი ლიფტის შახტაში ჩავარდა
ბათუმში, აღმაშენებლის ქუჩაზე ბავშვი ლიფტის შახტაში ჩავარდა.
აჭარის ტელევიზიის ინფორმაციით, დაშავებული 3 წლის გოგონა ბათუმის დედათა და ბავშვთა ცენტრში მშობლებმა გადაიყვანეს.
ექიმების ინფორმაციით, ბავშვს ზედაპირული მრავლობითი დაჟეჟილობები აღენიშნება, კვლევები კი ამ დრომდე გრძელდება.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 240-ე მუხლის პირველი ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ფოტო - აჭარის ტელევიზია
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
