2019-07-24 17:48:03, 1232 ნახვა

---

ქიბარ ხალვაში ჟურნალისტებს: დამანებეთ თავი, არ შემიძლია კამერასთან მუშაობა - მოვედი ჩემი ხელმოწერის მისაცემად

ტელეკომპანია „რუსთავი 2“-ის მფლობელი ქიბარ ხალვაში ექსპერტიზის ეროვნულ ბიუროში, საკუთარი ხელმოწერის ნიმუშის დასატოვებლად მივიდა.

მან ჟურნალისტებთან კომენტარის გაკეთება არ მოისურვა. 

"ულტიმატუმს რომ დააყენებ, ეგ უკვე კაპრიზია. „დამანებეთ თავი, არ შეგიძლიათ? არ შემიძლია კამერასთან მუშაობა. მოვედი ჩემი ხელმოწერის მისაცემად. ხომ არ დავმალულვარ?!“, - მიმართა ხალვაშმა ჟურნალისტებს.

გარდა ამისა, ხალვაშმა „გამარჯვებული საქართველოს“ ლიდერს ირაკლი ოქრუაშვილს „სამარცხვინო“ უწოდა.

"ვინც ამას ლაპარაკობს, იმაზე სამარცხვინო კაცი არ დადის ქვეყანაში“, - აღნიშნა ხალვაშმა. 

შეგახსენებთ, რომ ირაკლი ოქრუაშვილმა განაცხადა, რომ „რუსთავი 2“-ის მფლობელი თავადაა და ამის დამადასტურებელი საბუთიც გააჩნია. ოქრუაშვილის მტკიცებით, საბუთს ხელს ხალვაში აწერს. შესაბამისად, ოქრუაშვილი ხელმოწერის ავთენტურობის დასადგენდ ხალვაშისგან ექსპერტიზის ბიუროში მისვლას ითხოვდა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი