„საქართველოს ახალგაზრდა იურისტთა ასოციაციის“ თავმჯდომარე სულხან სალაძე ქიბარ ხალვაშის განცხადებას გამოეხმაურა და ეჭვი გამოთქვა, რომ ის  „ხელისუფლებასთან დაკავშირებული ჯგუფების“ მიერაა მომზადებული.

სალაძის შეფასებით, ქიბარ ხალვაშმა „რუსთავი 2“-ის  საქმე საქართველოს სასამართლო ინსტანციებში ხელისუფლების დახმარების შედეგად მოიგო.

„მე ვეჭვობ, რომ ეს ქიბარ ხალვაშის დაწერილი განცხადება იყოს. შეიძლება რაღაც საკითხები,  კი ბატონო, მაგრამ მთლიანობაში, ამ განცხადების სულისკვეთება და არსი, მე მგონია, რომ არ არის მისი დაწერილი. ალბათ, სადღაც სხვაგან, ხელისუფლებასთან  დაკავშირებული რაიმე ჯგუფების მიერ მომზადებული განცხადებაა. ის ხომ არავის არ სჯერა, რომ ქიბარ ხალვაშმა საქართველოს სასამართლო ინსტანციებში  დამოუკიდებლად მიაღწია წარმატებას?! მარტივი კითხვები დავსვათ მაშინ იგივე ტიპის დავებზე, იგივე მუხლთან სამოქალაქო კოდექსის, წლების განმავლობაში რატომ არ იხილება საქმეები საქართველოს სასამართლო ინსტანციებში, როდესაც "რუსთავი 2"-ის საქმემ მოიარა ყველა ინსტანცია, უზენაესი სასამართლო, დიდი პალატა, სტრასბურგი და უკვე აღსრულდა ძალიან სწრაფად? ამ ფონზე, მხოლოდ მისი მხრიდან ეს არ იყო „მოგებული“ ბრძოლა „რუსთავი 2“-ისთვის, აქ, რა თქმა უნდა, იყო გარკვეული დახმარება სხვადასხვა ჯგუფების მიერ“, - განაცხადა სულხან სალაძემ.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა