„სერგო მეთოფიშვილს იუსტიციის საბჭოს ჟირინოვსკი დავარქვი“, - ამის გამოეხმაურა იუსტიციის უმაღლესი საბჭოს არამოსამართლე წევრი ანა დოლიძე, მოსამართლე სერგო მეთოფიშვილის ბრალდებას, რომლის მიხედვითაც, დოლიძე  უფრო პოლიტიკოსია, ვიდრე სასამართლოს ნაწილი.

როგორც მან აღნიშნა, საბჭოს წევრთა უმრავლესობას, აქტიური წევრების შიში აქვს, რადგანაც დისკომფორტი ექმნებათ.

„მე ძალიან დიდი ხანია აღარ ვაკეთებ კომენტარს ბატონი სერგოს და მისნაირი ადამიანების გამონათქვამებზე. მას დავარქვი, იუსტიციის საბჭოს ჟირინოვსკი. მე ვფიქრობ, საბჭოს უმრავლესობას, რა თქმა უნდა, აქვს შიში აქტიური საბჭოს წევრებისა. მათ დისკომფორტს აყენებს და ეს კარგად გამოჩნდა დღეს, ჩვენი მოღვაწეობა, როდესაც ნაზი ჯანეზაშვილს ჩამოართვეს სიტყვა კითხვის დასმის დროს. გარდა ამისა, ჩვენ გასაუბრების დროს გვიხდება მუშაობა სრულიად არასამუშაო პირობებში, იუსტიციის საბჭოს მოსამართლე წევრები კარნახობენ პასუხებს მოსამართლე კონკურსანტებს, ხმაურობენ, ჩურჩულებენ, გვაწყვეტინებენ გამოსვლებს და ხანდახან გვართმევენ სიტყვასაც“, - განაცხადა ანა დოლიძემ.

ცნობისთვის, იუსტიციის უმაღლეს საბჭოში დღეს უზენაესი სასამართლოს მოსამართლეობის სამ კანდიდატთან გასაუბრება შედგება. საბჭო ამჯერად უმაღლესი ინსტანციის მოსამართლეობის სამ კანდიდატს - თამარ ბურჯანაძეს, მერაბ გაბინაშვილს და მირანდა ერემაძეს მოუსმენს. იუსტიციის უმაღლეს საბჭოში უზენაესი სასამართლოს მოსამართლეობის კანდიდატებთან გასაუბრება 17 ივლისს დაიწყო.საბჭოს წევრები ამ დროისთვის 6 კანდიდატს გაესაუბრნენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ამსტერდამში ისრაელის პოლიტიკის წინააღმდეგ 200 ათასამდე ადამიანი გამოვიდა

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა