ვიცე-პრემიერის, ეკონომიკისა და მდგრადი განვითარების მინისტრის გიორგი კვირიკაშვილის ინფორმაციით, ქობულეთში 5 000 ტონის წარმადობის თხილის გადამამუშავებელი ქარხანა დაახლოებით წელიწად-ნახევარში გაიხსნება.

"ქობულეთში იგეგმება 5 000 ტონის წარმადობის თხილის გადამამუშავებელი ქარხნის მშენებლობა, სადაც დაახლოებით, 80 ადამიანის დასაქმება მოხდება. მთლიანი ინვესტიცია იქნება, დაახლოებით, 830 მილიონი ლარი. მთავრობის წინა სხდომაზე დავამტკიცეთ ეს პროექტი. გადავეცით არასასოფლო-სამეურნეო დანიშნულების მიწის ნაკვეთი 1 ლარად საინვესტიციო ვალდებულებებით. დაახლოებით, წელიწად-ნახევრის ფარგლებში, შეიძლება უფრო ადრეც უკვე გაიხსნას ეს ქარხანა", - განაცხადა გიორგი კვირიკაშვილმა.

ცნობისთვის, მთავრობის განკარგულებით, შპს "გლობალ თრეიდს" პროგრამის „აწარმოე საქართველოში“ ფარგლებში სიმბოლურ ფასად - 1 ლარად საკუთრებაში გადაეცა ქობულეთში მდებარე არასასოფლო-სამეურნეო დანიშნულების მიწის ნაკვეთი, სადაც თხილის გადამამუშავებელი საწარმო შეიქმნება. 1 ლარად გადაცემული მიწის ნაკვეთის საბაზრო ღირებულება 207 918 ლარია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება