სამშენებლო ობიექტზე, საიდანაც მუშა გადმოვარდა და დაიღუპა, სამუშაოები უსაფრთხოების ნორმების დარღვევით მიმდინარეობდა - ამის შესახებ განცხადება შრომის უსაფრთხოების დეპარტამენტის წარმომადგენელმა მაია მიქაიამ განაცხადა.

მიქაია აცხადებს, რომ ინდივიდუალური დაცვის საშუალებები სხვა მუშებმაც ვერ წარმოადგინეს, რაც შესაბამისი დასკვნის საშუალებას იძლევა.

„უსაფრთხოების ნორმების დარღვევით მიმდინარეობდა სამუშაოები. ამის დამადასტურებელია თუნდაც ის რომ სხვა დასაქმებულებმა ვერ წარმოადგინეს თუნდაც ის ინდივიდუალური დაცვის საშუალებები, რომლითაც უნდა განხორციელებულიყო სამუშაო. და ასევე სწავლების ნაწილზეც გაკეთდა ზოგადი კომენტარი სხვა დასაქმებულების მხრიდან რომ მათ მხოლოდ ზეპირად უტარდებოდათ შესაბამისი ინსტრუქტაჟები. ველოდებით შესაბამის დოკუმენტაციას, აუცილებელია, რომ გავეცნოთ სრულყოფილად და შემდგომში სრულყოფილი დასკვნა დავდოთ. დამსაქმებელი ვალდებულია, რომ არ დაასაქმოს თავის ობიექტზე მომატებულ საფრთხის შემცველ, მძიმე და საშიშ პირობებიან სამუშაოებზე არასრუწლოვანი პირები,“-განაცხადა მაია მიქაიამ.

შეგახსენებთ, რომ დოლაბაურის ქუჩაზე, სამშენებლო ობიექტზე მუშა ლიფტის შახტში ჩავარდა და ადგილზე გარდაიცვალა. გამოძიება სისხლის სამართლის კოდექსის 240-ე მუხლის მე-2 ნაწილით დაიწყო, რაც სამთო სამშენებლო ან სხვა სამუშაოების წარმოებისას უსაფრთხოების ნორმების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა