რუსეთის დუმის მიერ ოკუპირებულ აფხაზეთის დე-ფაქტო რესპუბლიკასთან  სტრატეგიული შეთანხმების რატიფიცირების მოხდენას საგარეო ურთიერთობათა საკითხებში პრეზიდენტის მრჩეველი თენგიზ ფხალაძე გამოეხმაურა.

ფხალაძის თქმით, ე.წ. ხელშეკრულების რატიფიკაცია მოსალოდნელი იყო. მისივე განმარტებით, რუსეთი  თავის ზრახვებზე დაუფარავად საუბრობს.  

"ფაქტობრივად,  ეს მოსალოდნელი იყო და ამაში  ახალი არაფერია. რუსეთის ფედერაცია თავის ზრახვებზე დაუფარავად საუბრობს და არა მხოლოდ საუბრობს,  არამედ მოქმედებს. ჩვენ ყველა საერთაშორისო შეხვედრაზე და ყველგან,  სადაც კი შეიძლება, ვსაუბრობთ ამის დაუშვებლობაზე,  საქართველოს ოკუპაციისა და აწ უკვე სამწუხაროდ ანექსიის პრობლემატიკაზე.ადეკვატურად ვაფასებთ ყველაფერს და ვცდილობთ,  გადაიდგას ის ნაბიჯები, რომლებიც მომავალში ამის  პრევენციას მოახდენს. არ შეიძლება სამართლებრივ აქტად განხილული იყოს ის, რაც ოკუპანტსა და ანექსირებულ ტერიტორიას შორის ხდება",-განაცხადა თენგიზ ფხალაძემ.

აღნიშნული განცხადება ფხალაძემ აფხაზეთთან და სამხრეთ ოსეთთან ე.წ. ხელშეკრულების თემაზე საქართველოს პრეზიდენტ  გიორგი მარგველაშვილსა და  აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელ ვახტანგ ყოლბაიას, ე.წ. სამხრეთ ოსეთის ადმინისტრაციის ხელმძღვანელ დიმიტრი სანაკოევს და ამ თემაზე მომუშავე ორგანიზაციებთან გამართული შეხვედრის შემდეგ გააკეთა.

შეგახსენებთ, რუსეთის დუმამ ოკუპირებულ აფხაზეთის დე-ფაქტო რესპუბლიკასთან  სტრატეგიული შეთანხმების რატიფიცირება მოახდინა. არსებული ინფორმაციით, ე.წ. ხელშეკრულების რატიფიცირებას  რუსეთის სათათბიროში ხელი 441 დეპუტატმა დაუჭირა, ერთმა კი თავი შეიკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს