2019-07-09 20:29:27, 1458 ნახვა
საზოგადოება
პროტესტის მე-20 დღე - პარლამენტთან ანტისაოკუპაციო აქცია განახლდა
რუსთაველის გამზირზე, პარლამენტის წინ, საპროტესტო აქციათა ციკლის - „სირცხვილია“ დემონსტრანტები იკრიბებიან.
აქციის მონაწილეების მოთხოვნა უცვლელია, ისინი შს მინისტრის გიორგი გახარიას გადადგომას მოითხოვენ.
აღსანიშნავია, რომ დღეს პროტესტის მეოცე დღეა.
შეგახსენებთ, რომ 8 ივლისს პარლამენტთან ერთდროულად ორი აქცია მიმდინარეობდა. „სირცხვილიას“ დემონსტრანტებს ძალადობრივმა ჯგუფებმა პარლამენტის წინ დადგომის საშუალება არ მისცეს და არც აპარატურა ააწყობინეს. აქციის მონაწილეებს ერთმანეთისგან პოლიციის კორდონი და ყვითელი ავტობუსები ჰყოფდა. აქციის მონაწილეებმა მთელი ღამე რუსთაველის გამზირზე გატაარეს. მათ შორის დაპირისპირებასაც ჰქონდა ადგილი. რა დროსაც ანტისაოკუპციო აქციის ერთ-ერთი მონაწილე დაშავდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
