სახინკლეებს საპილმენე, ხაჭაპურს კი, პიშკა დავარქვათ - კომუნისტების ინიციატივა რუსეთში

2019-07-09 16:07:52, 1604 ნახვა

პოლიტიკა

რუსეთის კომუნისტურმა პარტიამ "როსპოტრებრადზორს" ინიციატივით მიმართა, რუსეთში ყველა სახინკლეს საპილმენე დაერქვას, - ამის შესახებ Argumenti.ru იუწყება.

მედია საშუალების ინფორმაციით, პარტიამ ასეთი ინიციატივის მომზადება მას შემდეგ გადაწყვიტა, რაც მათი თქმით, საქართველოში რუსოფობიური ისტერია გაჩნდა.

როგორც პარტიის თავმჯდომარემ იაროსლავ სიდოროვმა განაცხადა, რუსეთს საქართველოსთან მიმართებაში ხისტი ზომები ჯერ კიდევ 2008 წელს უნდა მიეღო, როდესაც "თბილისმა სამხრეთ მიმართ აგრესია გამოიჩინა". სიდოროვი მიიჩნევს, რომ “საქართველოში შექმნილი ისტერიის შემდეგ ყველაზე ხისტი საპასუხო ზომებია მისაღები”.

"დროა დავივიწყოთ ეს ქვეყანა და ყველაფერი რაც მას უკავშირდება. რუსულ საზოგადოებაში საქართველოს მიმართ ბოლო წლებში გარკვეული ლიბერალური დამოკიდებულება ჩნდება. საქართველოში დასვენებას გვთავაზობენ, ყველგან ქართული სამზარეულოა. ეს პოლიტიკურად არასწორია, თავისდახრაა. ეს აკნინებს რუსეთს. გვაფურთხებენ, ჩვენ კი ვიწმენდთ. შესაბამისად გვაქვს ინიციატივა ყველა სახინკლეს საპილმენე გადაერქვას. გარდა ამისა, ცვლილებები ხაჭაპურსაც უნდა შეეხოს. ეს ჩვეულებრივი რუსული პიშკა და ღვეზელია. ხაჭაპურსაც ყველგან პიშკა უნდა დავაწეროთ", - განაცხადა პარტიის თავმჯდომარემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან