საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა LEADx Change პროგრამის გამარჯვებულებს უმასპინძლა.

LEADx Change გლობალური ინიციატივაა ახალგაზრდა ლიდერებისთვის შავი ზღვის ფართო რეგიონის ქვეყნებიდან, რომლებიც  საჯარო, კერძო, სამოქალაქო, მედია და აკადემიურ სფეროებში საქმიანობენ.

სტუმრები 8 ქვეყნიდან, მათ შორის, იტალიიდან, ბრაზილიიდან, უკრაინიდან, პოლონეთიდან, მოლდოვადან, აზერბაიჯანიდან, სომხეთიდან და რუმინეთიდან ჩამოვიდნენ. ისინი საქართველოს, როგორც ევროპისა და აზიის დამაკავშირებელ ქვეყნას და მის გეოპოლიტიკურ პოტენციალს გაეცნენ.

LEADx Change პროგრამის გამარჯვებულები ღვინის ეროვნულ სააგენტოს ეწვივნენ, სადაც სააგენტოში არსებული ღვინის მუზეუმი დაათვალიერეს და ქვევრის ღვინო დააგემოვნეს.

ლევან დავითაშვილმა სტუმრებს ქართული ღვინის ტრადიცია გააცნო და დარგის განვითარებასა და პერსპექტივებზე ესაუბრა.

LEADx Change პროგრამის გამარჯვებულები საქართველოში ფლეტჩერის დიპლომატიის და სამართლის სკოლის მაგისტრის, ზვიად არძიმბაიას ინიციტივით ჩამოვიდნენ.

LEADx Change-ს ორგანიზებას უწევს ტაფტის ფლეტჩერის სამართლისა და დიპლომატიის სკოლა, ომისა და მშვიდობის გაშუქების ინსტიტუტი (IWPR) და საქართველოს გაეროს ასოციაცია (UNAG).

(NS)

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა