ანტისაოკუპაციო აქციის „სირცხვილია“ დემონსტრანტები პუშკინის სკვერში შეიკრიბნენ და პარლამენტის შენობისკენ მსვლელობით მიემართებიან.

როგორც ისინი აცხადებენ, მათი მშვდიობიანი აქცია კვლავ პარლამენტის შენობასთან უნდა გაგრძელდეს.

„ჩვენი მანიფესტაცია მშვიდობიანია და 19 დღის მანძილზე დავამტკიცეთ ჩვენი მშვიდობიანობის - რუსთაველის გამზირზე რამე გაფუჭდა კი არა, სიგარეტის ნამწვსაც კი არ ყრიდნენ ადამიანები. ჩვენი აქცია ანტისაოკუპაციოა და თუ ამ აქციას ვინმე კონტრაქციას  გაუმართავს, პრორუსები არიან. რა გამოდის - ანტისაოკუპაციო აქცია გამოვიდეს წვრილი, მარგინალური ჯგუფის აქცია და მოდი ესენი გავაპაროთ და სინამდვილეში ქართული საზოგადოება პრორუსულია? ეს ხომ ასე არ არის. შსს-ს განცხადება არ წამიკითხავს, მაგრამ დღეს თუ ის ვერ დაიცავს მშვიდობიან მანიფესტაცია, რაღა გვაქვს სასაუბრო - ე.ი. გავრილოვის დაცვისას თვალები დათხარეს ადამიანებს და მშვიდობიან მანიფესტაციაზე ელემენტარულ მშვიდობასაც ვერ ინარჩუნებენ? აქ ხომ არავის დარბევაზე არ არის საუბარი, კორდონზეა საუბარი, რომ მშვიდობიანი მანიფესტანტები წყნარად იდგნენ. მე-19 დღეა აწეული ხელებით, მშვიდობიანად ვდგავართ ",- აცხადებს აქციის ერთ-ერთი ორგანიზატორი შოთა დიღმელაშვილი.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს