კალაშნიკოვი: პუტინის მიმართ ქართველი ჟურნალისტის ხულიგნურ საქციელს არ უნდა ვუპასუხოთ, მის დონეზე არ დავეშვათ

2019-07-08 11:33:19, 1739 ნახვა

კომენტარი

რუსეთის ფედერაციის საბჭოს საინფორმაციო პოლიტიკის კომისიის წევრი სერგეი კალაშნიკოვი, "რუსთავი 2"-ის წამყვანის გიორგი გაბუნის გუშინდელ ეთერს გამოეხმაურა, რომელშიც ჟურნალისტმა კრემლის ლიდერ ვლადიმერ პუტინს უცენზურო ლექსიკით მიმართა.

კალაშნიკოვმა გაბუნიას საქციელი ხულიგნობას შეადარა და აღნიშნა, რომ რუსეთს ამაზე რეაგირება არ უნდა ჰქონდეს.

"ჩვენმა სახელმწიფომ ჟურნალისტის ამ ხულიგნურ საქციელს არ უნდა უპასუხოს. მის მიმართ რაღაც ზომების განხილვა საჭირო არ არის. რეაგირება მის დონეზე დაშვებას ნიშნავს. ჩვენ ცოტა მტკივნეულად ვრეაგირებთ იმაზე, რომ ვიღაცამ ჩვენ ალმაცერად გადმოგვხედა, ან რომ ვიღაც იგინება. ეს მხოლოდ ამ პირების უკულტურობაზე მიანიშნებს. მაგრამ ამის გამო მთვარე დედამიწას არ დასცემია“, - განაცხადა სერგეი კალაშნიკოვმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან