რომის პაპმა ფრანცისკემ რუსეთის ფედერაციის პრეზიდენტ ვლადიმერ პუტინს "მსოფლიოს მფარველი ანგელოზის" მედალი აჩუქა, - ამის შესახებ Interfax კრემლის პრესმდივნზე დმიტრი პესკოვზე დაყრდნობით იუწყება. 

მანამდე აღნიშნული ინფორმაცია ჩეჩნეთის ხელმძღვანელმა რამზან კადიროვმა გაავრცელა. 

მედია საშუალების ცნობით, მედალი პანტიფიკოსის მმართველობის 6 წელს უკავშირდება. ის პირველი მსოფლიო ომის დასრულების 100 წლის იუბილეს ეძღვნება. მედალზე დატანილია წარწერა, რომელიც რომის პაპ პია მე-12-ს ეკუთვნის, რომელიც მან 1939 წლის 24 აგვისტოს წარმოთქვა: "არაფერი იკარება მშვიდობაში. ყველაფერი შეიძლება დაკარგო ომში". 

აღსანიშნავია, რომ რომის პაპის და ვლადიმერ პუტინის შეხვედრა 4 ივლისს შედგა. პანტიფიკოსმა პუტინს ვატიკანში, რომის პაპის ბიბლიოთეკაში უმასპინძლა და შეხვედრა დაახლოებით 1 საათის განმავლობაში მიმდინარეობდა. შეხვედრის დასრულების შემდეგ საჩუქრების გაცვლის ცერემონია გაიმართა. ფრანცისკემ რუსეთის პრეზიდენტს გრავიურა აჩუქა, რომელზეც წმინდა პეტრეს მოედანია გაოსახული. მედია წერს, რომ გრავიურის ჩუქებისას რომის პაპმა პუტინს უთხრა: "ეს იმისთვის, რომ რომი არ დაგავიწყდეთ". კრემლის ლიდერმა თავის მხრივ პანტიფიკოსს პავლესა და პეტრეს გამოსახულებით ხატი აჩუქა. 

ცნობისთვის, ეს პანტიფიკოსის და ვლადიმერ პუტინის რიგით მესამე შეხვედრა იყო. პირველად ისინი ერთმანეთს ვატიკანში 2013 წელს შეხვდნენ, ხოლო შემდეგი შეხვედრა 2015 წლის ივნისში შედგა.  

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა