„ნაციონალური მოძრაობის“ დეპუტატი ნიკა მელია მეგაფონს მიღმა ხალხს პარლამენტში ძალადობრივი გზით შეჭრისკენ მოუწოდებდა, - ამის შესახებ პროკურორმა ამირან გულუაშვილმა პარლამენტის პლენარულ სხდომაზე, რომელმაც ნიკა მელიასთვის მანდატის შეჩერების გადაწყვეტილება უნდა მიიღოს, განაცხადა.

პროკურორმა აღნიშნა, რომ გარდა ხშირად გავრცელებული ვიდეოებისა, არსებობს სხვა ვიდეომასალაც, რომელიც დეპუტატის ბრალეულობას ადასტურებს.

“მინდა აღვნიშნო, საქმეში მოიპოვება როგორც არაერთი მოწმის ჩვენება, რომლითაც დასტურდება, რომ ნიკანორ მელია არა მხოლოდ მეგაფონით მოუწოდებდა მომიტინგეებს მშვიდობიანად და ხელებაწეული შესულიყვნენ პარლამენტის შენობაში, არამედ მეგაფონს მიღმა მოუწოდებდა მოქალაქეებს რომ ნებისმიერი გზით, მათ შორის ძალადობრივი მეთოდებით  შესულიყვნენ პარლამენტის შენობაში.
ამასთან ერთად, საქმეში მოიპოვება სხვადასხვა მედიასაშუალებებისა და კერძო პირების მიერ გადაღებული ვიდეოჩანაწერები, სადაც ჩანს მისი უშუალო მონაწილეობა ამ აქციაში,  მათ შორის ის ჟესტიკულაციაც, რომელიც ნანახი გაქვთ. საქმეშია უამრავი ვიდეომასალა, რომელიც ამ წუთებშიც მუშავდება. გარდა იმისა, რაც გავრცელდა მასობრივი მედიასაშუალებებით, არის კიდევ სხვა ვიდეოჩანაწერებიც, სადაც ასახულია მისი ეს აქტიური როლი“, - განაცხადა ამირან გულუაშვილმა.

ავტორი: ექსპრესნიუსი,

სოციალური ქსელები

ინდოეთმა რუსეთს უვიზო მიმოსვლაზე უარი უთხრა

რუსთავის მუნიციპალური ავტობუსების ეკრანებზე პორნოგრაფიული შინაარსის ვიდეო ჩაირთო

იოსელიანი სამორინეებზე - ბევრი ფული შემოვა თუ ცოტა, არ არის არგუმენტი, იმხელაა ზიანი

„გამომყევი აჭარაში“ ბიუჯეტს 440 ათასი ლარი დაუჯდა, დაჯილდოება უკანონოდ აშენებულ რესტორანში გაიმართა