"ქუჩაში ვერ გახვალთ, ხალხი შეგაფურთხებთ, ივანიშვილს ამ წითელ ღილაკზე ხელის დაჭერით განადგურებთ, თავს ვერ გამოყოფთ“, - ასე მიმართა „ერთიანი ნაციონალური მოძრაობის“ წევრმა რომან გოცირიძემ „ქართულ ოცნებას“ პარლამენტის ორი კომიტეტის სხდომაზე, სადაც „ნაციონალური მოძრაობის“ წევრისთვის, ნიკა მელიასთვის დეპუტატის მანდატის შეჩერებაზე მსჯელობენ.

„ძალიან დიდი სირცხვილია, რომ თქვენ სხდომის წამყვანები წამებს ითვლით და სოფო კილაძე ახლა რაღაც რეგლამენტში გვსვამს მაშინ, როდესაც თქვენს კოლეგას აბსოლუტურად უსამართლოდ და პოლიტიკური შეკვეთის შესრულების ნიშნით აპატიმრებთ. თქვენ ქუჩაში ვერ გაივლით. აი, ამას გიწინასწარმეტყველებთ, ვერც ერთი აქ მსხდომი ქუჩაში ვერ გაივლით. კი არ გაშინებთ, ეს არის თქვენი მორალური დამღა, ქუჩაში გავლა არის მორალური კატეგორიის, შეგაფურთხებთ ხალხი. რად გიღირთ ღილაკზე ხელის დაჭერა? ვერ ხედავთ, რომ ივანიშვილი სამუდამოდ განადგურებთ დღეს თქვენი ამ წითელ ღილაკზე ხელის დაჭერით?! ვერ გამოხვალთ ვერსად, თავს ვერ გამოყოფთ“, - განაცხადა რომან გოცირიძემ.

გოცირიძის ამ განცხადებას პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის გაღიზიანება მოჰყვა. ოხანაშვილმა გოცირიძის სიტყვები მუქარად მიიღო და რომან გოცირიძეს მოუწოდა „წესიერად მოიქცეს“.

„თქვენი მუქარა შეინახეთ თქვენთვის, თქვენ რა მორალური უფლება გაქვთ დაგვემუქროთ ვინ გაივლის ქუჩაში?! მართლა, წესიერად მოიქეცით ახლა, ბატონო რომან, მუქარები შეინახეთ თქვენთვის, მორალი რომ არ გაგაჩნიათ, ვიცით, დასვით კითხვა“, - განაცხადა ანრი ოხანაშვილმა.

ავტორი: ექსპრესნიუსი,

სოციალური ქსელები

ტრამპის მიღებაზე სროლა ამძაფრებს სიტუაციას საიდუმლო სამსახურის არასაკმარისი დაფინანსების გამო

რუსეთის ფედერაციამ შეუტია ოდესის ოლქის საპორტო ინფრასტრუქტურას

სროლაში ეჭვმიტანილმა აღიარა ტრამპის ადმინისტრაციაზე თავდასხმა

ტრამპზე სროლაში ეჭვმიტანილი იდენტიფიცირებულია