ეგვიპტის ყოფილი პრეზიდენტი მუჰამედ მურსი 67 წლის ასაკში სასამართლო პროცესზე გარდაიცვალა, - ამის შესახებ Euronews იუწყება. 

მედია საშუალების ინფორმაციით, სასამართლო პროცესზე გადაყენებული პრეზიდენტის საქმეს განიხილავდნენ. ის სიტყვით გამოდიოდა, რა დროსაც შეუძლოდ გახდა და გონება დაკარგა. მურსი საავადმყოფოში უკვე გარდაცვლილი გადაიყვანეს.

წინასწარი ვერსიით, მურსის გარდაცვალების მიზეზად გულის მწვავე უკმარისობა სახელდება. 

შეგახსენებთ, რომ მუჰამედ მურსი თანამდებობიდან 2013 წელს გადააყენეს. ეგვიპტის ყოფილ პრეზიდენტს (2012-2013) ბრალად დაჯგუფება „ჰამასთან“ და „ჰეზბოლასთან“ თანამშრომლობით ციხიდან მასობრივი გაქცევის საქმეში მონაწილეობა ედებოდა. 2015 წელს მურსის 20-წლიანი პატიმრობა მიუსაჯეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა