2019-06-18 11:30:41, 1127 ნახვა
რეგიონი
ძლიერმა სეტყვამ და წვიმამ გურჯაანის სოფლები დააზიანა
ძლიერმა სეტყვამ და წვიმამ გურჯაანის მუნიციპალიტეტის სოფლები დააზარალა.
„კურიერის“ ინფორმაციით, ქარმა ვაჩნაძიანსა და ვაზისუბანში რამდენიმე საცხოვრებელ სახლს სახურავები ახადა.
გარდა ამისა, ნაწილობრივ დაზიანდა შაშიანის სკოლისა და საბანკეტო დარბაზის სახურავებიც.
ამასთან, დაზიანებულია თელავთან დამაკავშირებელი გზა.
გურჯაანის მერის მოადგილის ინფორმაციით, შესაბამისი კომისია ზარალის აღწერას ახორციელებს, რის შემდეგაც ქარიშხლისგან დაზიანებულ ობიექტებზე აღდგენითი სამუშაოები დაიწყება.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
