აჭარის მთავრობის თავმჯდომარე თორნიკე რიჟვაძე, საქართველოს გაზის ტრანსპორტირების კომპანიის გენერალურ დირექტორთან ჯაბა ხმალაძესთან ერთად ხელვაჩაურისა და ქედის მუნიციპალიტეტების მოსახლეობას შეხვდა.

შეხვედრებზე მოსახლეობას მაღალმთიანი აჭარის გაზიფიცირების პროექტების შესახებ დეტალური ინფორმაცია მიაწოდეს.

მთავრობის თავმჯდომარის განცხადებით გაზიფიცირება ახალ მნიშვნელობას შესძენს მთის და რეგიონის განვითარებას. ,,ეს ძალიან მნიშვნელოვანი პროექტია გაზიფიცირების ნაწილში. დღეს მოვინახულეთ მუნიციპალიტეტები, სადაც აქტიურად დაიწყება წინასაპროექტო სამუშაოები. ჩვენი გეგმის შესაბამისად, შემდეგი წლის განმავლობაში სრულად უნდა დავასრულოთ აჭარის გაზიფიცირება. ეს ნიშნავს ძლიერ ოჯახებს, ეს ნიშნავს იმას, რომ კიდევ უფრო მეტად მოვუფრთხილდებით ტყეს და ეკონომიკაც და ტურიზმიც კიდევ უფრო მეტად განვითარდება რეგიონში", - განაცხადა თორნიკე რიჟვაძემ.

საქართველოს გაზის ტრანსპორტირების კომპანია საპროექტო სამუშაოებს აჭარის რეგიონის, 4 მუნიციპალიტეტის, 23 სოფელში ახორციელებს. 202 სოფელში დაგეგმილია წინასაპროექტო მოკვლევის ჩატარება. საპროექტო დოკუმენტაციის მომზადების ჯამური ღირებულება 692 000 ლარია. პროექტირების დასრულების შემდგომ დაიწყება სამშენებლო სამუშაოების განხორციელებისთვის საჭირო პროცედურები, რის შედეგადაც ოთხი ათასამდე აბონენტს ექნება შესაძლებლობა მოიხმაროს ბუნებრივი აირი. მშენებლობა 2021 წლისთვის დასრულდება და მისი სავარაუდო ღირებულება 15 500 000 ლარს შეადგენს.

შეხვედრებს აჭარის ფინანსთა მინისტრი ჯაბა ფუტკარაძე, მუნიციპალიტეტების მერები ჯუმბერ ვარდმანიძე და ლევან გორგილაძე, ასევე უმაღლესი საბჭოს თავმჯდომარის მოადგილე მერაბ კარანაძე ესწრებოდნენ.

 https://www.youtube.com/watch?v=--0JkRAqCz0

(NS)

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს