ზუგდიდის მუნიციპალიტეტის გამგებელი ედიშერ თოლორაია სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაციაში დაგეგმილ ინფრასტრუქტურული პროექტების მიმდინარეობის შესახებ განხილვას დაესწრო.

ზუგდიდის გამგეობის ინფორმაციით, გუბერნატორი ლევან შონია რეგიონის გამგებლებს, მერებსა და საკრებულოების თავმჯდომარეებს შეხვდა. თათბირზე მუნიციპალიტეტის პირველმა პირებმა პროექტების მიმდინარეობაზე ისაუბრეს და დაგეგმილი ინფრასტრუქტურული სამუშაოები განიხილეს. როგორც შეხვედრაზე გახდა ცნობილი, რეგიონის ათივე მუნიციპალიტეტში მიმდინარე ინფრასტრუქტურული პროექტები, სამშენებლო ვადების შესაბამისად მიმდინარეობს.

ზუგდიდის მუნიციპალიტეტის გამგეობაში 2015 წელს დაგეგმილია 23 ინფრასტრუქტურული პროექტი, რომელიც რეგიონალური განვითარების ფონდიდან დაფინანსდება. 322 პროექტი სოფლის მხარდაჭერის პროგრამით დაფინანსებული და 5 ადგილობრივი ბიუჯეტიდან დაფინანსებული პროექტი.

თვითმმართველობის წარმომადგენლებთან გუბერნატორის შეხვედრას, სახელმწიფო რწმუნებულის პირველი მოადგილე კობა ქანთარია და რეგიონული პროექტების კოორდინირების სამსახურის უფროსი დათო კოდუა ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩხუბისას თბილისში ორი პირი დაჭრეს- პოლიციამ სამი პირი დააკავა

ნეთანიაჰუ: ირანი კონტინენტთაშორის ბალისტიკურ რაკეტებს ავითარებს, რომლებსაც აშშ-მდე მიღწევა შეუძლიათ

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე