„იქ, სადაც მოხდება კანონის დარღვევა, პოლიცია იმოქმედებს მყისიერად, წერტილი“, - ამის შესახებ შს მინისტმა, გიორგი გახარიამ ჟურნალისტებს განუცხადა.

გახარია იმ დარღვევებს გამოეხმაურა, რომელიც დღეს საარჩევნო უბნებზე დაფიქსირდა.

როგორც მან აღნიშნა, პოლიცია გამოხატვის თავისუფლებას არავის უზღუდავს.

„მე როგორც მაქვს ინფორმაცია იყო რამდენიმე წვრილმანი შეთხვევა, სადაც  პოლიციამ შესაბამისი რეაგირება მოახდინა. დღის ბოლოსთვის გვექნება სრული ინფორმაცია, არის  ისეთი სიმძიმის დანაშაულები, რომელზეც ძიება დაიწყება თუ არა.

ღიმილის მომგვრელია, როდესაც ინტელექტუალურ ოპოზიციას კრიმინალების დახმარების  ასეთი ისტორიების მოგონების გარდა, სხვა  არგუმენტი არ გააჩნია, იმისთვის, რომ არჩევნებში ღირსეულად იბრძოლოს.  იქ, სადაც მოხდება კანონის დარღვევა, პოლიცია იმოქმედებს მყისიერად, წერტილი. ეს არის მთავარი და საერთოდ, გამოხატვის თავისუფლებას არავის არ ვუზღუდავთ. შესაბამისად, იქ სადაც იქნება კანონის დარღვევა ან გადაცდომა, რა თქმა უნდა რეაგირება იქნება მყისიერი, ისე როგორც  ეს რეაგირება დღეს რამდენიმე უბანზე მოხდა“, - აღნიშნა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა