გამოცემა "მედუზას" გამომძიებელი ჟურნალისტი ივან გალუნოვი, რომელიც ნარკოტიკების შენახვისთვის დააკავეს, მოსკოვის საგამოძიებო იზოლატორიდან საავადმყოფოში არ გადაჰყავთ. ადვოკატების ინფორმაციით, გამომძიებელი ჟურნალისტი ნაცემია, მას მიღებული აქვს თავის ტრავმა და გადამტვრეული აქვს ნეკნები.

საგამოძიებო იზოლატორთან მობილიზებულია ორი სასწრაფოს მანქანა, თუმცა პოლიციელები ადვოკატებს და უფლებადამცველებს არ აძლევენ ნებას გალუნოვი საავადმყოფოში გადაიყვანონ.

ადგილზე მივიდნენ ჟურნალისტები ქსენია სობჩაკი და ალექსეი ვენედიქტოვი. 

უკვე მეორე დღეა რუსეთის მასშტაბით აქციები იმართება, "მედუზას" გამომძიებელი ჟურნალისტის ივან გალუნოვის გათავისუფლების მოთხოვნით. საპროტესტო აქციები დაკავებების ფონზე მიმდინარეობს.

შეგახსენებთ, რომ 6 ივნისს მოსკოვში მედუზას გამომძიებელი ჟურნალისტი, ივან გოლუნოვი დააკავეს.

ოფიციალური ვერსიით, მას ჩხრეკისას "გაურკვეველი სუბსტანციის" შეკვრა უპოვეს, რაც მოგვიანებით მეფედრონი (სინთეტიკური ამფეტამინი) აღმოჩნდა.

გოლუნოვი ბრალდებას უარყოფს და ამბობს, რომ მანამდე ეს შეკვრა არასდროს უნახავს.

ჟურნალისტს ბრალად აკრძალული ნივთიერების ფლობა და მისი გაყიდვის უკანონო მცდელობა ედება.

ივანი პოლიციის განყოფილებაში გადაიყვანეს, ადვოკატის ნახვის საშუალება კი დაკავებიდან 14 საათის შემდეგ მისცეს. იურისტმა თქვა, რომ გოლუნოვი წინასწარი დაკავების საკანში ნაცემი იყო. ჟურნალისტის მიმართ დაირღვა კიდევ ერთი უფლება - მას არ მისცეს 1 ზარის განხორციელების საშუალება.

ასევე, პოლიციამ უარი თქვა, აეღო თითის ანაბეჭდები მისი ჩანთიდან, რათა გაერკვია, შეხებია თუ არა გალუნოვი ოდესმე იმ სუბსტანციის შეკვრას, რომელიც მას აღმოუჩინეს.

ავტორი: ექსპრესნიუსი,

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა