2019-06-07 13:26:58, 814 ნახვა
პოლიტიკა
ცესკო არჩევნების მეორე ტურის დღეს საინფორმაციო ბრიფინგების განრიგს აქვეყნებს
ცენტრალური საარჩევნო კომისია (ცესკო) ამომრჩევლების და ყველა დაინტერესებული მხარის დროულად ინფორმირების მიზნით, 9 ივნისს, დილის 08:30 საათიდან რამდენიმე საათში ერთხელ საინფორმაციო ბრიფინგებს გამართავს.
ცესკოს სატელეფონო-საინფორმაციო ცენტრი (2 51 00 51), ასევე ონლაინ ჩატი, დილის 07:00 საათიდან იმუშავებს. შესაბამისად, ყველა დაინტერესებულ პირს შეეძლება პასუხის მიღება არჩევნებთან დაკავშირებული სხვადასხვა საკითხის შესახებ. ყრუ და სმენადაქვეითებულ პირებს შესაძლებლობა აქვთ ისარგებლონ ჟესტური ენის მცოდნე ოპერატორის მომსახურებით.
საინფორმაციო ბრიფინგების განრიგი:
08:30 სთ
12:30 სთ
17:30 სთ
20:30 სთ
განრიგი საჭიროების შემთხვევაში შეიძლება შეიცვალოს.
ავტორი: ექსპრესნიუსი,
epn.ge (@expressnews.ge)
