2019-05-28 11:49:26, 722 ნახვა
რეგიონი
„გარეჯი საქართველოა“ - დავით გარეჯში აქცია-მსვლელობა მიმდინარეობს
„დავით გარეჯი საქართველოა“ - ამ ლოზუნგით დავით გარეჯში, აქცია-მსვლელობა მიმდინარეობს.
მსვლელობაში მრევლი, სასულიერო პირები და „ძალა ერთობაშიას“ ლიდერი დავით ქაცარავა მონაწილეობენ. როგორც აქციის მონაწილეები აცხადებენ, ისინი წმინდა ადგილების მოლოცვას აპირებენ. ასევე გეგმავენ უდაბნოს მონასტრისკენ ასვლას, სადაც წირვა-ლოცვა გაიმართება.
მრევლის თქმით, მსვლელობა მშვიდობიანია და მათ სურთ ყველას დაანახონ, რომ დავით გარეჯი საქართველოს ნაწილია. მოქალაქეები სამონასტრო კომპლექსის ირგვლივ ცოცხალი ჯაჭვის შემორტყმას გეგმავენ.
აღსანიშნავია, რომ მსვლელობას თბილისიდან წასული გიდებიც შეუერთდებიან, რომლებიც დედაქალაქიდან დავით გარეჯში გაემგზავრნენ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
