The Times: ბრიტანეთის პრემიერი ტერეზა მეი თანამდებობას სავარაუდოდ, 24 მაისს დატოვებს

2019-05-23 12:08:28, 2193 ნახვა

მსოფლიო

დიდი ბრიტანეთის პრემიერ-მინისტრმა ტერეზა მეიმ შესაძლოა თანამდებობა ხვალ, 24 მაისს დატოვოს, - ამის შესახებ The Times იუწყება.

მედია საშუალების ინფორმაციით, შესაბამის განცხადებას, პრემიერი სავარაუდოდ, კონსერვატიული პარტიის მაღალჩინოსანთან გრემ ბრედისთან შეხვედრის შემდეგ გააკეთებს.

აღსანიშნავია, რომ მეიმ გადადგომის შესახებ მანამდეც განაცხადა. კერძოდ, პრემიერმა აღნიშნა, რომ ის თანამდებობას მას შემდეგ დატოვებს, როდესაც "ბრექსითის" შესახებ მეორე რეფერენდუმის ჩატარების გადაწყვეტილებას მიიღებენ. 22 მაისს თემთა პალატის ლიდერმა ანდრეა ლიდსომმა თანამდებობა დატოვა. მან ტერეზა მეის წინადადებაზე, ჩატარდეს Brexit-ის მეორე ტური, უარი განაცხადა. ის გახდა 36-ე მინისტრი, რომელმაც მეის პრემიერობისას თანამდებობა დატოვა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან