ეროვნულ-დემოკრატიული ინსტიტუტის (NDI) კვლევის თანახმად, პოლიტიკოსების მიმართ დამოკიდებულების რეიტინგში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, დავით სერგეენკო და თბილისის მერი კახა კალაძე დალიდერობენ.

კერძოდ, გამოკითხულთა 40%-ს დავით სერგეენკოს მიმართ დადებითი დამოკიდებულება აქვს, 12%-ს უარყოფითი; 32%-ს კი, არც დადებითი და არც უარყოფითი.

რაც შეეხება თბილისის მერს, დადებითი დამოკიდებულება მის მიმართაც გამოკითხულთა 40%-ს  აქვს, 18%-ს უარყოფითი, 34%-ს არც დადებითი, არც უარყოფითი.

რეიტინგში მესამე ადგილზე საქართველოს ყოფილი პრეზიდენტი, მიხეილ სააკაშვილია. მის მიმართ დადებითი დამოკიდებულება გამოკითხულთა 31%-ს აქვს, უარყოფითი 32%-ს, ასევე 32%-ს არც დადებითი, არც უარყოფითი.

შემდეგ პოზიციებზე „ლეიბორისტული პარტიის“ ლიდერი შალვა ნათელაშვილი, პრეზიდენტი სალომე ზურაბიშვილი და გაერთიანებული ოპოზიციის ერთ-ერთი ლიდერი, გრიგოლ ვაშაძე არიან. მათ მიმართ დადებითი დამოკიდებულება გამოკითხულთა 28%-მა დააფიქსირა.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ