„ქართულ ოცნების“ ინფორმაციით, მათმა კანდიდატებმა მთაწმინდის ოლქის გარდა, არჩევნები ყველა ოლქში, პირველივე ტურში მოიგეს.

როგორც პარტიის აღმასრულებელმა მდივანმა, ირაკლი კობახიძემ განაცხადა, მთაწმინდის ოლქში მათმა კანდიდატმა გაიმარჯვა, თუმცა ხმათა 50%-ს მოგროვება ვერ შეძლო. შესაბამისად, კობახიძის განმარტებით, აღნიშნულ ოლქში მეორე ტური გაიმართება.

„ზუგდიდში, 107-დან დათვლილია 88 ოლქის შედეგები. ოქმების მონაცემებით 54,08% მიიღო გეგა შენგელიამ. შესაბამისად, შეიძლება კიდევ ერთხელ თამამად ითქვას, რომ დიდი უპირატესობით პირველივე ტურში გაიმარჯვა ბატონმა გეგა შენგელიამ.

მარნეულში დათვლილია 86 უბანი 90-დან. 78,75 პროცენტია ზაურ დარგალის მაჩვენებელი. ზესტაფონში 52 უბანია დათვლილია 53-დან. ამ შემთხვევაში გიორგი გოგლიჩიძის მაჩვენებელი არის 50,53%. ერთი უბანია დარჩენილი, თუმცა ჩვენი მონაცემებით, არა შემცირება, არამედ ზრდაა მოსალოდნელი. ჭიათურაში ბატონი გივი მოდებაძის მაჩვენებელი არის 65,39%, დათვლილია 58-დან 49 უბნის მონაცემები. რაც შეეხება ხულოს, აქ ყველა უბანი დათვლილია. 67,1% არის ჩვენი კანდიდატის, ვახტანგ ბერიძის შედეგი. მთაწმინდას რაც შეეხება, აქაც დათვლილია ყველა უბნის მონაცემები. გაიმარჯვა ჩვენმა კანდიდატმა, ლადო კახიძემ. მაჩვენებელი არის 40,92%. ამ შემთხვევაში შედგება მეორე ტური მთაწმინდის ოლქში. ოპონენტი იქნება შალვა შავგულიძე, რომელიც წარმოადგენს ნაციონალურ მოძრაობას“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ