"კანონი, რომ ქალი და მამაკაცი ქმნის ოჯახს, ასეთადაც დარჩება  საქართველოში, რადგან საქართველოს საზოგადოება, სწორედ ასეთად მოიაზრებს ოჯახს ჩვენს ქვეყანაში", - ამის შესახებ იუსტიციის მინისტრმა თეა წულუკიანმა პრემერ-მინისტრის განცხადებასთან დაკავშირებით აღნიშნა.

მისი თქმით, სამოქალაქო კანონმდებლობაში ხაზგასმით წერია, რომ საქართველოში ოჯახი ქალისა და მამაკაცის ერთობაა და თუკი პრემიერის სურვილია, რომ ეს საკონსტიტუციო რანგში ავიდეს, მისი წინააღმდეგი არ იქნება.

თუმცა, იუსტიციის მინისტრის განმარტებით, საქართველოს პარლამენტს საკონსტიტუციო უმრავლესობა არ ჰყავს. 

„დღეს ჩვენ სამოქალაქო კანონმდებლობაში გვიწერია შავით თეთრზე, რომ საქართველოში ოჯახი არის ქალისა და მამაკაცის ერთობა. თუკი პრემიერის სურვილია, რომ ის საკონსტიტუციო რანგში ავიდეს, მე ამის წინააღმდეგი არ ვიქნები, უბრალოდ საკონსტიტუციო უმრავლესობა ჩვენ არ გვყავს. მნიშვნელოვანია ერთი რამ, რომ ყველა ქვეყანაში კანონები ამ საკითხზე, თუ რა იგულისხმება ოჯახში - უნდა იყოს თუ არა ერთსქესიანი ქორწინება, დგინდება იმის და მიხედვით, თუ როგორია ამ საკითხებზე საზოგადოებრივი კონსესუსი. ჩვენ ვნახეთ ამერიკის შეერთებულ შტატებში მიიღეს გადაწყვეტილება, რომელიც მისაღებია იმ საზოგადოებისთვის. როგორც ჩანს, იმ საზოგადოებაში კონსესუსი ამ თემაზე არსებობს. მანამ, სანამ საქართველოში ეს კონსესუსი არ არსებობს, ვერც ერთი ხელისუფლება, მათ შორის ჩვენი, ვერ გადადგამს რაიმე ტიპის ნაბიჯს, რომ შეცვალოს ეს კანონი. დღეს რაც არის კანონი, რომ ქალი და მამაკაცი ქმნის ოჯახს ასეთადაც დარჩება საქართველოში, რადგან საქართველოს საზოგადოება სწორედ ასეთად მოიაზრებს ოჯხს ჩვენს ქვეყანაში“, - განაცხადა თეა წულუკიანმა.

შეგახსენებთ, როგორც პრემიერ-მინისტრმა ირაკლი ღარიბაშვილმა, გაზეთ "ასავალ-დასავალთან" ინტერვიუში განაცხადა, იგი ყველაფერს გააკეთებს, რათა კონსტიტუციაში გაკეთდეს ჩანაწერი, რომ ქორწინება  და ოჯახი  ქალისა და მამაკაცის ერთობაა.

„მე, როგორც პრემიერ-მინისტრი და როგორც საქართველოს მოქალაქე, ყველაფერს გავაკეთებ, რათა კონსტიტუციაში გაკეთდეს ჩანაწერი, რომ ქორწინება და ოჯახი არის ქალისა და მამაკაცის ერთობა“, - აღნიშნა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times