ქაშუეთის წმინდა გიორგის სახელობის ტაძარში ქართველი მომღერლის ეთერ კაკულიას სამოქალაქო პანაშვიდი მიმდინარეობს.

ტაძარში სრულიად საქართველოს კათოლიკოს-პატრიარქი იმყოფებოდა.

ილია მეორემ სულის მოსახსენიებელი პანაშვიდი გადაიხადა. სამოქალაქო პანაშვიდზე საზოგადოებისათვის ცნობილი სახეები, მომღერლები და მსახიობები იმყოფებიან.

როგორც მსახიობმა ლალი ბადურაშვილმა ჟურნალისტებთან საუბრისას აღნიშნა, ეთერ კაკულია არამარტო მეგობრებისთვის, არამედ მთელი საქართველოსთვის უახლოესი ადამიანი იყო.

„მას დარდიც ჰქონდა და გაჭირვებაც. მძიმე პერიოდი გამოიარა, მაგრამ ისეთი ბუნების იყო, არასოდეს არავის აწუხებდა. ისეთი ბუნების გახლდათ, თქვენ ახალგაზრდები ხართ და თქვენთანაც იმეგობრებდა. იყო უშუალო და უბრალო, ამიტომაც მეცოდება. ის შეუპოვრად ებრძოდა ამ მძიმე სენს, მაგრამ სამწუხაროდ... მინდა ყველამ დაიტოვოს და დაიმახსოვროს ისეთი ეთერი, როგორიც ის იყო“, - განაცხადა ლალი ბადურაშვილმა.

ეთერ კაკულიას ხვალ დროებით ვაკის სასაფლაოზე, მშობლების გვერდით დაკრძალავენ, შემდეგ კი, მახათას მთაზე, ახალ საზოგადო მოღვაწეთა პანთეონში გადაასვენებენ. მომღერალი ხანგრძლივი ავადმყოფობის შედეგად, 26 ივნისს გარდაიცვალა. მომღერალი კიბოთი იყო დაავადებული და მიუხედავად მკურნალობისა, მისი გადარჩენა ვერ მოხერხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა