სასტუმრო „თბილისი მარიოტში“ სტრატეგიული ლიდერობის პროგრამის ოთხდღიანი კურსი დაიწყო.

თავდაცვის სამინისტროს ინფორმაციით, ტრენინგი საერთაშორისო ურთიერობის საკითხებში საქართველოს თავდაცვის მინისტრის მრჩეველმა შოთა ღვინერიამ და თავდაცვის სამინისტროში გაერთიანებული სამეფოს თავდაცვის სამინისტროს სპეციალურმა მრჩეველმა ჯონ მექკალამმა გახსნეს.

სიტყვით გამოსვლისას შოთა ღვინერიამ სემინარის მონაწილეებს წარმატებები უსურვა და ხაზი გაუსვა ლიდერიზმის გამოწვევებს, ასევე, განსხვავებებს ლიდერობასა და მენეჯმენტს შორის.

სტრატეგიული ლიდერობის პროგრამაში საქართველოს თავდაცვის სამინისტროს და გენერალური შტაბის ხელმძღვანელი თანამდებობის პირები მონაწილეობენ.

სემინარს ვიცე-პოლკოვნიკი ჯემი ჰართლი რიფლესი და ქრენფილდის უნივერსიტეტის დოქტორი, იფთი ზაიდი უძღვებიან. კურსის დასასრულს მონაწილეებს სერთიფიკატები გადაეცემათ.

ტრენინგი ნატო-საქართველოს პროფესიული განვითარების პროგრამის ფარგლებში, საქართველოს თავდაცვის სამინისტროს სტრატეგიისა და ლიდერიზმის ცენტრის ორგანიზებით ტარდება. დიდი ბრიტანეთის თავდაცვის აკადემიისა და ქრენფილდის უნივერსიტეტის ერთობლივ პროექტს საქართველო უკვე მესამედ მასპინძლობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა