საგარეო საქმეთა მინისტრი დავით ზალკალიანი აცხადებს, რომ საფრანგეთის და საქართველოს სამართალდამცვავ სტრუქტურებს შორის მიღწეული შეთანხმებების შედეგად, საქართველო უვიზო მიმოსვლის გაუქმების საფრთხეს თავს აარიდებს.

მისი თქმით, გაიზრდება საქართველოში საფრანგეთის, ხოლო საფრანგეთში საქართველოს წარმომადგენლების რაოდენობა, რათა მათ, ვინც სავიზო ლიბერალიზაციით კეთილსინდისიერად არ სარგებლობს, პროცედურების დარღვევის შესაძლებლობა არ ჰქონდეთ. 

„ვიზალიბერალიზაცია ევროკავშირში ინტეგრაციის  გზაზე ჩვენი ერთერთი მთავარი მონაპოვარია, რომელსაც განსაკუთრებული გაფრთხილება სჭირდება. აქედან გამომდინარეობს ჩვენი მთავრობის მყისიერი რეაგირება ნებისმიერი სახის წუხილზე, რომელიც ჩვენი პარტნიორების, ამ შემთხვევაში საფრანგეთის, მხრიდან მოდის. მე ვფიქრობ, რომ ის ვიზიტი, რომელიც დღეს განხორციელდა, უაღრესად შედეგიანი იქნება, გამომდინარე იქიდან, რომ ერთობლივ ქმედებებთან დაკავშირებით მიღწეულია შეთანხმებები, და დარწმუნებული ვარ, ის რაც დღეს   შინაგან საქმეთა მინისტრების ერთობლივ პრესკონფერენციაზე დაანონსდა, აუცილებლად მიგვიყვანს იმ შედეგამდე, რაც თავშესაფრის მაძიებლის ზრდის სტატისტიკას თავიდან აგვაცილებს. დღეს გაცხადდა თანამშრომლობის გაფართოვება სამართალდამცავ სტრუქტურებს შორის, ასევე გაცხადდა ახალი ინიციატივები, რაც დაკავშირებული იქნება როგორგორც ფრანგული მხარის წარმომადგენლობის გაზრდით საქართველოში, ისე ჩვენი ოფიცრების ყოფნით საფრანგეთში, რადგანაც მათ, ვინც  კეთილინდისიერად არ სარგებლობს სავიზო ლიბერალიზაციის თავისუფალი გადაადგილების პროცედურებით, არ ჰქონდეთ ამ პროცედურების დარღვევის შესაძლებლობა და ასობით ათასი ადამიანისთვის, რომელიც მართლა კეთილსინდისიერად სარგებლობს ამ მნიშვნელოვანი მოვლენით, ხელის შეშლა. ამიტომ, ჩვენ ყველა ზომას მივმართავთ, როგორც საკანონმდებლო ინიციატივებს, ისე საზოგადოებასთან აქტიურ კომუნიკაციას, ხოლო სამართალდამცავ სტრუქტურებს შორის ის ერთობლივი ქმედებები, რომელიც დაიგეგმა , მე მაძლევს იმის თქმის საფუძველს, რომ შეჩერების მექანიზმი არ ამოქმედდება“, - განაცხადა დავით ზალკალიანმა

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა