საქართველოს თავდაცვის მინისტრის მოადგილე, ანა დოლიძემ, გენერალური შტაბის უფროსის მოადგილესთან ერთად გმირთა მოედნის, ზოოპარკის, მზიურისა და სვანიძის ქუჩაზე მიმდინარე გაწმენდითი სამუშაოები დაათვალიერა.

თავდაცვის სამინისტროს ინფორმაციით, თბილისის, 13 ივნისის სტიქიის შედეგების ლიკვიდაციაში საქართველოს შეიარაღებული ძალების სხვადასხვა ქვედანაყოფები და ტექნიკა დღემდე მუშაობს. მინისტრის მოადგილე ეროვნული გვარდიის პირადი შემადგენლობის მიერ შესრულებული სამუშაოებითაც დაინტერესდა, რომლებიც ადგილობრივ მოსახლეობას სარდაფებისა და ეზოების გაწმენდაში ეხმარებიან.

საქართველოს შეიარაღებული ძალების საინჟინრო ბრიგადის პირადი შემადგენლობა და სპეციალური ტექნიკა ზოოპარკში გაწმენდით სამუშაოებს განაგრძობს. ჯარების ლოგისტიკური უზრუნველყოფის სარდლობის სამშენებლო ტექნიკა „მზიურის“ ტერიტორიაზე სალიკვიდაციო სამუშაოებს ასრულებს.

სახმელეთო ჯარების აღმოსავლეთ სარდლობის I ქვეითი ბრიგადის პირადი შემადგენლობა კი სვანიძის ქუჩისა და ვაკის ძეხვეულის ქარხნის სარეაბილიტაციო სამუშაოებშია ჩართული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times