დედაქალაქის მერი კახა კალაძე კოსტავას ქ. N71-ში არსებული სკვერის რეაბილიტაციის პროცესს გაეცნო. ჩატარებული სამუშაოები თბილისის მერს საბურთალოს რაიონის გამგებელმა გაიოზ ვასაძემ გააცნო.

კოსტავას N71-ში გამგეობამ ათი ავტოფარეხის დემონტაჟი განახორციელა და მის ნაცვლად, გამწვანებული ტერიტორია მოაწყო. დაინტერესებული საზოგადოებისთვის სკვერის პირვანდელი მდგომარეობის ამსახველი ფოტოებიც იყო წარმოდგენილი.

„სპორტის სასახლის მიმდებარედ არსებულ სკვერში, სადაც ავტოფარეხები იდგა,  ძალიან მძიმე სიტუაცია იყო. ჩვენ განვაცხადეთ, რომ ავტოფარეხების დემონტაჟის შემთხვევაში, სკვერებს და სპორტულ მოედნებს მოვაწყობდით. ამ შემთხვევაშიც, მოსახლეობასთან თანამშრომლობით, ერთობლივი გადაწყვეტილება მივიღეთ და უსახური ავტოფარეხები ავიღეთ. მათ ადგილას მოეწყო სკვერი, სადაც ადგილობრივებთან ერთად, დედაქალაქის სხვა მცხოვრებლებიც დაისვენებენ. ბავშვებისთვის განკუთვნილი ატრაქციონები ეკოლოგიურად სუფთა მასალისგანაა დამზადებული და ევროპულ სტანდარტს აკმაყოფილებს. ყოველთვის ასეთი მიდგომა გვექნება, როდესაც ავტოფარეხების დემონტაჟი განხორციელდება და გამგეობა ან მერია მსგავს სივრცეებს მოაწყობს“, - განაცხადა თბილისის მერმა.

პროექტის შედეგად, 2 000 კვ.მ ფართობზე საბავშვო გასართობი მოედანი, საფეხმავლო ბილიკები და LED განათების სისტემა მოეწყო. ასევე, განთავსდა სკვერისთვის საჭირო ინფრასტრუქტურა და ტერიტორია ცოცხალი ღობით შემოისაზღვრა. რეაბილიტაციის ფარგლებში, ჰიდროთესვის მეთოდით დაითესა ბალახი, 16 სახეობის 800-მდე მცენარე დაირგო და  სარწყავი სისტემა დამონტაჟდა.

საბურთალოს რაიონის გამგეობის დაკვეთით, სამუშაოები კომპანია „გრინსერვის+“-მა აწარმოა. პროექტის ღირებულება 293 661 ლარს შეადგენს.

(NS)

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა