4-5 მაისს, შერატონ გრანდ თბილისი მეტეხი პალასში უძრავი ქონების გამოფენა-გაყიდვა „არეა ექსპო 2019“ გაიმართა. გამოფენაზე საქართველოში მოღვაწე დეველოპერებმა წარმოადგინეს საცხოვრებელი, კომერციული და საოფისე ფართები. 

სპეციალური შეთავაზებები, ფასდაკლებები და უამრავი სიურპრიზი - ბინის შეძენით დაინტერესებულ ასობით ადამიანს ამ ორი დღის განმავლობაში არეა ექსპო 2019-ზე სწორედ ასე უმასპინძლეს.  
წელს გამოფენაზე პირველად მონაწილეობდნენ უცხოური დეველოპერი კომპანიებიც. გარდა დეველოპერი კომპანიებისა, ღონისძიებაში მონაწილეობა ბანკებმა და ფინანსურმა ინსტიტუტებმაც მიიღეს. შედეგად, უძრავი ქონების შეძენის ან მშენებლობის დაფინანსების ხელმისაწვდომობის პირობები ადგილზე იყო უზრუნველყოფილი. ხოლო მონაწილე არქიტექტორებმა წარმოადგინეს უახლესი ტექნოლოგიები, პროექტები და მიმდინარე ტრენდები დეველოპერულ და არქიტექტურულ ბაზარზე. 

ღონისძიების ოფიციალური მხარდამჭერი საქართველოს ეკონომიკისა და მდგრადი განვითარების სამინისტრო გახლდათ, რომელიც გამოფენაში მონაწილეობას სახელმწიფო ქონების ეროვნული სააგენტოს სახელით იღებდა. სააგენტომ გამოფენაზე წარმოადგინა სხვადასხვა ტიპის სახელმწიფო ქონება, რითაც ინვესტორები და დეველოპერი კომპანიები დაინტერესდნენ. 

ღონისძიების პირველი დღის პანელის თემა იყო მშენებლობის ბაზრის პოტენციალი მზარდი ტურიზმის პირობებში და ენერგოეფექტურობა და ციფრული მენეჯმენტი. „აწარმოე საქართველოში“, „სახელმწიფო ქონების ეროვნული სააგენტოსა“ და „საპარტნიორო ფონდის“ წარმომადგენლებმა ვრცლად ისაუბრეს ტურიზმის სფეროს როლზე სამშენებლო ბაზარზე. 

მეორე დღე კი marketer.ge-ს მიერ ორგანიზებულ talk-სერიებს დაეთმო. Area Talks-ზე სპიკერებმა ისაუბრეს ბინის მოწყობის, ბინაში სწორი აკუსტიკის შექმნის, Airbnb-ის მეშვეობით ბინის გაქირავების და სხვა საინტერესო თემების შესახებ. გარდა ამისა, სტუმრებისთვის ჩატარდა სახალისო გათამაშებაც, სადაც სპეციალური პრიზები გათამაშდა. 

ღონისძიების პარტნიორები იყვნენ სამშენებლო კომპანია Arcon Invest/არკონ ინვესტი და ავეჯისა და ქვის წარმოების კომპანია „ლაზიერი“.  ღონისძიებას პარტნიორობას უწევდა საერთაშორისო სავაჭრო პალატა.  ღონისძიების ორგანიზატორი იყო უძრავი ქონების სერვისების კომპანია „არეა ჯგუფი“. 

(R)

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა