2019-05-07 13:18:43, 1780 ნახვა

---

ბესელია „რუსთავი 2“-ის საქმეზე: ასეთი ექსპერიმენტების ჩატარება ქვეყნისთვის ძალიან სახიფათო იქნება

პარლამენტის დამოუკიდებელი დეპუტატი "რუსთავი 2"-ის გარშემო განვითარებულ მოვლენებს ეხმაურება. 

როგორც დეპუტატმა აღნიშნა, "რუსთავი2"-ის ირგვლივ "ექსპერიმენტების ჩატარება" ქვეყნისთვის სახიფათო იქნება. მან "ქართულ ოცნებას" გამოწვევების გაცნობიერება ურჩია. 

„ორივე კონტექსტი გასათვალისწინებელია, აქეთ ერთის მხრივ სტრასბურგის სასამართლოში ეს საქმე, რომელიც არ დამთავრებულა და მეორეს მხრივ, ძალიან მძიმე კრიტიკული განწყობები სასამართლოს მიმართ, რომელზედაც უკვე ჩვენი საერთაშორისო პარტნიორები ღიად და დაუფარავად ლაპარაკობენ. ამიტომ, ეს მმართველმა პარტიამ უნდა გააცნობიეროს რა ტიპის გამოწვევაა ახლა და აქ რაღაცა ასეთი ექსპერიმენტების ჩატარება მე მგონია, რომ ქვეყნისთვის ძალიან სახიფათო იქნება", - აცხადებს ეკა ბესელია.

ცნობისთვის, გუშინ, ტელეკომპანია "რუსთავი 2"-ის გენერალურმა დირექტორმა ნიკა გვარამიამ საგანგებო ბრიფინგი გამართა, სადაც განაცხადა, რომ ტელეკომპანიაზე შეტევის ახალი ფაზა დაიწყო. 

 

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი