“რაც შეეხება მუხრუჭს, დიახ ვიყავი მუხრუჭი საკითხებში რომელიც მიმაჩნდა რომ არ იყო სწორი,”- “Forbes-ის კვირასთან” ინტერვიუში ამბობს ეკონომიკის ყოფილი მინისტრი გიორგო ქობულია. McKinsey-ის ყოფილი პარტნიორი დღეს ამბობს, რომ მამუკა ბახტაძის მხრიდან მისი მუშაობის ტემპზე აპელირება გასაკვირია. 

“ჩემთვის გასაკვირია იმაზე ლაპარაკი, რომ მე სწრაფ გადაწყვეტილებებს არ ვიღებდი, იმიტომ რომ ზუსტად სწორი გადაწყვეტილებების ნელი ტემპი გახდა კონფლიქტის ერთ-ერთი მიზეზი, მე მინდოდა ჩემი აზრით სწორი გადაწყვეტილებები სწრაფად მიმეღო და ამის საშუალება ბოლომდე არ მქონდა. რაც შეეხება მუხრუჭს, დიახ ვიყავი მუხრუჭი საკითხებში რომელიც მიმაჩნდა რომ არ იყო სწორი. 

მე დეტალებზე ლაპარაკი არ მინდა. დეტალებზე არ ვისაუბრებ. ზოგადად იყო მთელი რიგი საკითხები რომლებიც იყო უფრო პოლიტიკურად დატვირთული ვიდრე შედეგზე ორიენტირებული. და მე ასეთ გადაწყვეტილებებს არ ვეთანხმებოდი და არ ვიღებდი ასეთ გადაწყვეტილებებს,”- ამბობს ქობულია. 

ინტერვიუში გიორგი ქობულია ამბობს, რომ მას საქართველოს მთავრობაში არსებული დაუწერელი “თამაშის წესები” თავიდანვე უნდა შეესწავლა და მხოლოდ ამის შემდეგ უნდა მიეღო გადაწყვეტილება გამხდარიყო თუ არა “ქართული ოცნების” მთავრობის წევრი. 

ქობულიას თქმით, მისგან გადადგომას ერთ თვეზე მეტი ხნის განმავლობაში ითხოვდნენ, რასაც ის გამუდმებით ეწინააღმდეგებოდა. 

“იყო თხოვნა, რომ წავსულიყავი თანამდებობიდან, მაგრამ მე ეს არ გავაკეთე. მე ბოლო მომენტამდე ვინარჩუნებდი იმის იმედს, რომ მაინც იმ ხედვებს, რომელიც მე მიმაჩნდა სწორე და მეგონა მივიტანდი მმართველ გუნდამდე და ამ ხედვებში დავარწმუნებდი მათ. ეს განცდა მქონდა, მქონდა ამის იმედი და მაქსიმალურად ვცდილობდი ეს გამეკეთებინა. მაგრამ როგორც დავინახეთ ბოლომდე არ გამომივიდა,”- ამბობს ექს-მინისტრი. 

ქობულიამ თანამდებობა 2019 წლის 19 აპრილს დატოვა. პრემიერ-მინისტრმა მამუკა ბახტაძემ მისი გათავისუფლების მიზეზის შესახებ დასმულ კითხვაზე პასუხად თქვა რომ ქობულია ტემპს ჩამორჩა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ