შინაგან საქმეთა სამინისტროს საგანგებო სიტუაციების მართვის სამსახურისა და განათლების, მეცნიერების, კულტურისა და სპორტის სამინისტროს თანამშრომლობის ფარგლებში, თბილისის N103 საჯარო სკოლაში სიმულაციური სწავლება გაიმართა.

ღონისძიებაში 100-ზე მეტი მოსწავლე და მასწავლებელი მონაწილეობდა. მეხანძრე-მაშველებმა, წინასწარ შემუშავებული სცენარის მიხედვით, სკოლის შენობაში სიმულაციური საგანგებო სიტუაცია შექმნეს და დააკვირდნენ, როგორ გამოიყენეს მოსწავლეებმა საგანგებო სიტუაციის დროს ორგანიზებული ქცევის შესახებ სკოლაში შეძენილი თეორიული ცოდნა პრაქტიკაში.

გარდა ამისა, მეხანძრე-მაშველებმა მოსწავლეებს გააცნეს საგანგებო სიტუაციის დროს საკუთარი მოვალეობები - მოეწყო მაღალი სართულებიდან დაშვება, განხორციელდა შენობის ევაკუაცია, ჩაკეტილი სივრციდან მოქალაქის გამოყვანა და სხვა.

სიმულაციური სწავლების მიზანი იყო მოსწავლეებისა და მასწავლებლების მზადყოფნა საგანგებო სიტუაციების დროს, ასევე, ინციდენტზე კოორდინირებული რეაგირებისთვის საჭირო თეორიული ცოდნისა და პრაქტიკული უნარ-ჩვევების გაუმჯობესება.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა