საპატრიარქოსთან დეკანოზ გიორგი მამალაძის ოჯახის წევრებმა ილია მეორისგან მიღებული დანაპირების შესრულებას და დეკანოზის შეწყალებას ითხოვენ.

აქციის მონაწილეების მოსაზრებით პატრიარქს მამალაძის შეწყალება შორენა თეთრუაშვილმა გადააფიქრებინა. 

„მას გადაწყვეტილი ჰქონდა და ეპისკოპოსებს უთხრა, რომ  პრეზიდენტისთვის მიემართათ, წერილი დაეწერათ, მაგრამ ამ ქალბატონმა შორენამ,  რომელიც აქ მოკალათებულია,  პატრიარქის ნება-სურვილი გადაწონა და ყველა და ყველაფერი თავის ნება-სურვილზე წაიყვანა. აქედან გამომდინარე, ჩემი მოლოდინი არის ასეთი, რომ თუკი საქართველოს კათოლიკოს-პატრიარქი დაიბრუნებს იმ ძალაუფლებას, რაც იურიდიულად მას გააჩნია ეკლესიაში, ამის შემდეგ, ჩემი აზრით, ჩემი ძმის შეწყალება მოხდება, მაგრამ სამწუხაროდ, სანამ ამ ქალბატონს სადავეები ხელში უჭირავს, მანამდე საქართველოს ეკლესიაში სიკეთე არ იქნება“, - განაცხადა  გიორგი მამალაძის ძმამ, თორნიკე მამალაძემ. 

საპატრიარქოსთან შეკრებილებს შორის დეკანოზის მცირეწლოვანი შვილებიც არიან.

მათ ხელში პლაკატები წარწერით "დაგვიბრუნეთ მამა, მამა გვენატრება, ნუ დაგვაობლებთ" უჭირავთ. დეკანოზ გიორგი მამალაძის ოჯახის წევრები ამბობენ, რომ თუკი მათი მოთხოვნა არ შესრულდება, აქციები საპატრიარქოსთან გაგრძელდება.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა