პარლამენტის დამოუკიდებელი დეპუტატი ეკა ბესელია "ქართულ ოცნებას" წარსულ პოლიტიკურ ძალას უწოდებს.

აღნიშნული შეფასება ბესელიამ მას შემდეგ გააკეთა, რაც მოსამართლეების არჩევის პროცედურის შესახებ პარლამენტში მის მიერ წარმოდგენილი კანონპროექტი ჩავარდა.

"ყველაფერი ნათელია. ის შანსი, რომელიც „ქართულ ოცნებას“ ჰქონდა, არ გამოიყენა და სრულიად წარუმატებელ და მარცხისთვის განწირულ გზას დაადგა. აჩვენა, რომ აბსოლუტურად ექვემდებარება იმ კლანურ ინტერესებს, რომელიც იუსტიციის საბჭოში და სასამართლოში გამეფდა. ამ კენჭისყრამ ისიც აჩვენა, რომ "ქართულ ოცნებას" რეალობის აღქმა დაკარგული აქვს, მიდის პროცესების და საზოგადოების განწყობის საწინააღმდეგოდ. ეს იყო კიდევ ერთი წარსულისკენ გადადგმული ნაბიჯი, "ქართული ოცნების" მხრიდან გამოუყენებელი შესაძლებლობა და ოცნებების საკუთარი ხელით დამარხვა. ამ პროცესმა აჩვენა, რომ "ქართული ოცნება“, ისევე როგორც „ნაციონალური მოძრაობა“ უკვე წარსულის პოლიტიკური ძალაა", - განაცხადა ეკა ბესელიამ.

აღსანიშნავია, რომ დღეს პარლამენტმა მოსამართლეების არჩევის წესთან დაკავშირებით „ქართული ოცნების“ კანონპროექტი მესამე მოსმენით დაამტკიცა.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა