ინფორმაციის თავისუფლების განვითარების ინსტიტუტი საქართველოში ნარკოტიკულ დანაშაულთან დაკავშირებით სტატისტიკურ მონაცემებს აქვეყნებს. 

IDFI – ის ინფორმაციით, რომელსაც  უზენაესი სასამართლოს მონაცემებზე დაყრდნობით ავრცელებს, უკანასკნელი წლების განმავლობაში ყველაზე მეტი პირი, ნარკოტიკული საშუალების მცირე ოდენობით უკანონოდ შეძენის ან შენახვის ან/და ექიმის დანიშნულების გარეშე მოხმარების გამო 2013 წელს იქნა დაჯარიმებული . დაჯარიმებულთა რაოდენობა  13 572–ს შეადგენდა. 2014 წელს აღნიშნული მაჩვენებელი 9 142 პირამდე შემცირდა.

„ თუ გავითვალისწინებთ, რომ აღნიშნული ადმინისტრაციული სამართალ დარღვევისთვის ჯარიმა შეადგენს 500 ლარს, მაშინ ჯარიმათა საერთო რაოდენობამ 2013 წელს შეადგინა  6 786 000 ლარი, ხოლო 2014 წელს 4 571 000 ლარი“, – აცხადებენ ინფორმაციის თავისუფლების განვითარების ინსტიტუტში. 

მათ მიერ გავრცელებული სტატისტიკური მონაცემების თანახმად, ნარკოტიკული საშუალებების მოხმარებისთვის ყველაზე მეტი მსჯავრდებულია 2014 წელს – 4003 პირი, რომელთაგან 24,3%-ის შემთხვევაში სასჯელის ზომად გამოყენებულია თავისუფლების აღკვეთა, 52% - პირობითი მსჯავრი, ხოლო 20.1%-ის შემთხვევაში ჯარიმა. 

„აღსანიშნავია ის ფაქტიც, რომ 2009 წლიდან 2012 წლამდე ნარკოტიკული საშუალებების მოხმარებისათვის მსჯავრდებულთა კლებადი ტენდენცია შეინიშნებოდა და 2012 წელს მოხმარებისთვის მსჯავრდებულთა რაოდენობამ სულ 861 პირი შეადგინა. თუმცა, ამავე სტატისტიკიდან ჩანს, რომ 2013 და 2014 წლებში ნარკოპოლიტიკა საქართველოში კვლავ გამკაცრდა და 2009 წლის ნიშნულს დაუბრუნდა, კერძოდ აღნიშნული დანაშაულისათვის მსჯავრდებულთა რაოდენობა 2014 წელს შეადგენს 4003 პირს,  რაც დაახლოებით 4-ჯერ აღემატება 2012 წლის მონაცემებს“, – ნათქვამია IDFI – ის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times