აზერბაიჯანის საგარეო საქმეთა სამინისტრო დავით გარეჯის მონასტერთან დაკავშირებით განმარტებას აკეთებს, - შესაბამისი განცხადება უწყების პრესმდივანმა ლეილა აბდულაევამ გააკეთა.

როგორც აბდულაევამ აღნიშნა, ოფიციალური ბაქო ყოველთვის იყო აზერბაიჯანი-საქართველოს საზღვრის დელიმიტაციის მომხრე.

"აზერბაიჯანი-საქართველოს საზღვრის გასწვრივ სამონასტრო კომპლექსის უამრავი ისტორიული, არქიტექტურული და რელიგიური ობიექტი 25 კილომეტრის მანზილზეა განლაგებული. აზერბაიჯანსა და საქართველოს შორის სახელმწიფო საზღვრის დელიმიტაციის საკითხი ორმხრივი ფორმატების ფარგლებში წყდება, რომელიც საერთაშორისო პრაქტიკაში არსებულ პროცედურებს ეფუძნება. მომხრე ვართ იმისა, რომ აზერბაიჯანი-საქართველოს საზღვრის დელიმიტაცია მოხდეს. აზერბაიჯანი მზად არის, აღნიშნული პროცესი უახლოეს მომავალში დაასრულოს", - განაცხადა საგარეო უწყების წარმომადგენელმა.

ცნობისთვის, დავით გარეჯის მამათა მონასტრის არქიმანდრიტის, კირიონის (ონიანი) ინფორმაციით, უკვე სამი დღეა, აზერბაიჯანელმა მესაზღვრეებმა უდაბნოს მონასტერი ჩაკეტეს. მოგვიანებით გავრცელდა ინფორმაცია, რომ სასულიერო პირებსა და მრევლს დავით გარეჯის უდაბნოს მონასტრამდე მისვლის უფლება მისცეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა