პარლამენტის პლენარულ სხდომაზე , სადაც სახალხო დამცველი, ნინო ლომჯარია დეპუტატებს უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტზე საკუთარ შეფასებებს აცნობს, „ევროპული საქართველოს“ წევრ გიგა ბოკერიასა და უმრავლესობის წევრ ზაზა პაპაუაშვილს შორის სიტყვიერი დაპირისპირება მოხდა.

 „მინდა გაგაფრთხილოთ ქალბატონო ნინო, რომ ახლა თქვენ იხილავთ ძალიან უცნაურ სპექტაკლს, როცა დაამთავრებთ გამოსვლას. უმრავლესობის ნაწილი დიდ მადლობას გადაგიხდით იმის გამო, რომ თქვენ კარგი კომენტარები გქონდათ, მეორე ნაწილი კი, დაგგმობთ ოპოზიციასთან თანამშრომლობისთვის და გკითხავთ სად იყავით, 2012 წლამდეო. მე კი ვიცი სადაც იყავით, მაგრამ ამ ხალხს ეშლება“,  - მიმართა ბოკერიამ.

გიგა ბოკერიას გამოსვლამ საპარლამენტო უმრავლესობის წევრის გაღიზიანება გამოწვია.

თავის მხრივ კი ბოკერიამ მათ სიმშვიდისკენ მოუწოდა.

„რატომ აღელდით? დამგმობი ჯგუფი გაკლიათ თუ შემქები? - მიმართა ბოკერიამ უმრავლესობის წევრებს.

ამის შემდეგ დეპუტატმა ზაზა პაპუაშვილმა ბოკერიას შეურაცხმყოფელი სიტყვით მიმართა.

რაზეც ბოკერიამ განაცხადა, რომ მისმა ცინიზმა ზედმეტად გააღიზიანაა მმართველი გუნდი.

„ეს რობოტი ვინ იყო? ახლოს ძალიან ზრდილობიანი დეპუტატია და შორიდან ძალიან უზრდელი. ძალიან აღელდა ეს ხალხი. მთელი დღე ეძინათ და ახლა აღელდნენ. დაამშვიდეთ ეს ხალხი ან მოდით და ახლოს დამელაპარაკეთ ხოლმე შესვენების დროს თუ რამე პრეტენზიები გაქვთ და ასე გიდუღთ სისხლი. ახლა რომ მორჩება, გელოდებით ყველას ვინც უკნიდან ყვირიხართ ხოლმე“, - აღნიშნა ბოკერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა