რისი თქმა გინდათ?! რა საფრთხე დაინახეთ?! - ამ კითხვებით პარლამნეტის წევრმა, ლევან გოგიჩაიშვილმა სახალხო დამცველ, ნინო ლომჯარიას პარლამენტის პლენარულ სხდომაზე მიმართა.

დეპუტატმა ომბუდსმენს მიმართა განემარტა ის მიზეზები, თუ რატომ მოითხოვა პარლამენტში გამოსვლა.

„ქალბატონო ნინო, მე მაინტერესებს, თქვენი, როგორც არამარტო სახალხო დამცველის, არამედ ამ ქვეყნის მოქალაქის პოზიცია და ასევე ის ემოცია, რამაც დღეს აქ მოსვლა გადაგაწყვეტინათ. ეს ძალიან იშვიათი შემთხვევაა, როდესაც სპეციალური მუხლის მითითებით თქვენ ითხოვთ პარლამენტის წინაშე წარდგენას. ანუ რაღაც გაქვთ სათქმელი, რაღაც გინდათ უთხრათ ადამიანებს, რომლებმაც თქვენ მხარი დაგიჭირეს, როგორც სახალხო დამცველს, მაგალითად, ბატონ ირაკლის, ანრის, მეც უნდა მითხრათ, თუმცა თქვენ იცით, რომ მე არ დამიჭერია თქვენთვის მხარი და ალბათ ამას ძალიან არ განიცდით, მაგრამ თქვენ აქ მობრძანებული ხართ და განიცდით სხვა საკითხს, სასამართლოს საკითხს და გინდათ განსაკუთრებით ესაუბროთ უმრავლესობას. აი რას ეუბნებით?! რისი თქმა გინდათ?! რა საფრთხე დაინახეთ. იმიტომ რომ ეს გადაწყვეტილება თქვენც შეგეხებათ,  რაღაც რომ მოხდეს. მე მინდა ეს ემოცია თქვენგან დავინახო, რის გამო მობრძანდით საქართველოს პარლამენტში?! რისი თქმა უნდა ადამიანს, რომელიც მთელი ქვეყნის მასშტაბით იცავს ადამიანების უფლებებს, ძალიან გთხოვთ, ეს კარგად ჩამოაყალიბეთ, თქვენი ბოლო სიტყვა თქვით და დაგვემშვიდობეთ“, - მიმართა გოგიჩაიშვილმა სახალხო დამცველს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს