დროა, კობახიძე და ოხანაშვილი შეეგუონ, რომ ბიძინა ივანიშვილის დაკრულზე ცეკვავენ, მაგრამ კალენდარზე 2019 წელია და პატივი სცენ როგორც დეპუტატებს, ასევე მოქალაქეებს, რომელთაც ზურგი აქციეს, – ამის შესახებ ენმ-ს წევრმა, დეპუტატმა ნიკა მელიამ განაცხადა.

როგორც დეპუტატმა აღნიშნა, პარლამენტში სამუშაო პროცესი მორღვეულია.

„მდინარაძე, თალაკვაძე, ოხანაშვილი და კობახიძე წავიდნენ, მიცუნცულდნენ ივანიშვილთან, კონსულტაცია გაიარეს, ჩაწერეს არაოფიციალურ დოკუმენტში, რომელიც არც ერთ დეპუტატს წაკითხული არ აქვს. თურმე, ოხანაშვილისგან უნდა გავიგოთ და მას უნდა ვენდოთ. თურმე, ოხანაშვილამდე კონსულტაცია და მსჯელობა არ უნდა გაიმართოს. ამას არ დავუშვებთ, მიუხედავად იმისა, რომ „ქართულ ოცნებას“ ფორმალურად უმრავლესობა ჰყავს. დროა, კობახიძე, ოხანაშვილი შეეგუონ, რომ ბიძინა ივანიშვილის დაკრულზე ცეკვავენ, მაგრამ კალენდარზე 2019 წელია და პატივი სცენ როგორც დეპუტატებს, ასევე მოქალაქეებს, რომელთაც ზურგი აქციეს. 14-გვერდიანი ინგლისურენოვანი რეკომენდაციები გასცა ვენეციის კომისიამ და როგორ ფიქრობთ, რამდენს აქვს წაკითხული? მგონი, არც უთარგმნიათ. შიდა განხილვა იყო ხუთ-ექვს კაცთან“, - აღნიშნა ნიკა მელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება