„დღეს ჩვენ ვმასპინძლობთ საქართველო-კვიპროსის პირველ ბიზნეს  ფორუმს, რითაც ერთი ნაბიჯი გადაიდგა ორი ქვეყნის სავაჭრო-ეკონომიკური ურთიერთობების გაღრმავების მიმართულებით“, - ამის შესახებ საქართველოს პრეზიდენტმა სალომე ზურაბიშვილმა საქართველო-კვიპროსის ბიზნესფორუმზე სიტყვით გამოსვლისას განაცხადა.

როგორ პრეზიდენტმა აღნიშნა, თავისუფალი სავაჭრო სივრცის შესახებ შეთანხმებით, ევროკავშირმა საქართველოს კარი გაუსხსნა, რომ მთელი ჩვენი ეკონომიკური პოტენციალი ევროკავშირში გაწევრიანებისკენ იყოს მიმართული.

 საქართველო ევროპის გზაზე დგას და ამდენად კვიპროსთან, რომელიც ევროკავშირის წევრია, პარტნიორობის გაძლიერება ჩვენი პრიორიტეტია. ღრმა და ყოვლისმომცველი თავისუფალი სავაჭრო სივრცის შესახებ შეთანხმებით, ევროკავშირმა ჩვენ მოგვცა საუკეთესო შესაძლებლობა, გაგვიხსნა კარი საიმისოდ, რომ მთელი ჩვენი ეკონომიკური პოტენციალი მივმართოთ მთავარი მიზნისკენ, ევროკავშირში გაწევრიანებისკენ. ამ შეთანხმებით კიდევ უფრო მეტად ფართოვდება გზა საქართველო-კვიპროსის ეკონომიკურ ურთიერთობაში, სავაჭრო ხელშეკრულება ერთ-ერთი ძირითადი შეთანხმებაა, რომელიც ხელს უწყობს ჩვენს ქვეყნებს შორის ეკონომიკური ურთიერთობების განმტკიცებას. ვიმედოვნებ, რომ ფორუმი შექმნის რეალურ საფუძველს ჩვენი პარტნიორობის გაძლიერებისთვის. შავი ზღვისა და კავკასიის სატრანსპორტო და ლოჯისტიკური დერეფნის მიმართ ევროპის გაზრდილი ინტერესი, ახალ პერსპექტიებს გვისახავს და შავი ზღვის ორ სანაპიროს შორის ფიფიზკურ კავშირს აყალიბებს“, - განაცხადა სალომე ზურაბიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება